ఇన్ఫెక్షన్లు, మొటిమలకు ఒత్తిడే కారణమట!

అవునండి.. ఇన్ఫెక్షన్లు, మొటిమలకు ఒత్తిడే కారణమని ఆరోగ్య నిపుణులు అంటున్నారు. మహిళల్లో పాలిసిస్టిక్‌ ఓవరియన్‌ డిసీజ్‌ ఉండటం వల్ల మొటిమలు రావచ్చు. వీరికి హోర్మోన్ చికిత్స చేయించాల్సి వుంటుంది. అయితే మొటిమల నుంచి పిసిఓడి దాకా మానసిక ఒత్తిళ్లతో వచ్చేవేనని ఆరోగ్య నిపుణులు హెచ్చరిస్తున్నారు.

ఒత్తిడి ప్రభావంతో హార్మోన్ వ్యవస్థ అస్తవ్యస్తం అవుతుంది. పిల్లల్లో స్కూలు చదువులకు సంబంధించిన ఒత్తిళ్లయితే, కాస్త పెద్దవాళ్లల్లో వృత్తి పరమైన ఒత్తిళ్లు ఉంటున్నాయి. అయితే, ఆ ఒత్తిళ్లను అధిగమించే మానసిక పరిణతి గానీ, కనీసం క్రమం తప్పకుండా వ్యాయామం చేసే సమయంగానీ లేవన్నది చాలా మంది యుక్త వయస్కుల సమాధానం.

వ్యాయామం చేయకపోతే ఒత్తిళ్లు పెరగడం ఖాయం. మొటిమలు మరింతగా పెరిగిపోతాయి.  ఇటీవలి కాలంలో థైరాయిడ్‌ సమస్యలు పెరిగిపోవడానికి కూడా ఈ ఒత్తిళ్లే కారణమని అధ్యయనాలు తేల్చాయి. అందుచేత చర్మ సమస్యలను దూరం చేసుకోవడంతో పాటు హృద్రోగ సమస్యలను సైతం దూరం చేసుకోవాలంటే ఒత్తిడిని అధిగమించాల్సిందేనని ఆరోగ్య నిపుణులు సూచిస్తున్నారు.