ఏపీ కడప జిల్లాలో అంగన్‌వాడీ పోస్టుల భర్తీకి నోటిఫికేషన్
ఆంధ్రప్రదేశ్ రాష్ట్రంలో వచ్చే యేడాది అసెంబ్లీ ఎన్నికలు జరుగనున్నాయి. ఈ ఎన్నికల్లో విజయం సాధించేందుకు అధికార వైకాపా నేతలు, ముఖ్యమంత్రి జగన్మోహన్ రెడ్డి ఇప్పటి నుంచి వ్యూహాలు రచిస్తున్నారు. ఇందులోభాగంగా, ప్రభుత్వ ఉద్యోగాల భర్తీ కోసం వరుస నోటిఫికేషన్లను జారీ చేస్తున్నారు. తాజాగా కడప జిల్లాలో మహిళాభివృద్ధి, శిశు సంక్షేమ శాఖ కార్యాలయం ఉద్యోగాల భర్తీ చేయనుంది.
ఈ జిల్లాలో ఐసీడీఎస్ ప్రాజెక్టులో ఖాళీగా ఉన్న అంగన్‌వాడీ పోస్టుల భర్తీ చేపట్టనున్నారు. మహిళా అభ్యర్థులు ఈ పోస్టులకు దరఖాస్తు చేసుకోవచ్చు. ఇందుకోసం విడుదల చేసిన నోటిఫికేషన్‌లో జిల్లా వ్యాప్తంగా 148 పోస్టులు ఉన్నాయి. వీటిలో అంగన్‌వాడీ వర్కర్ పోస్టులు 37, అంగన్‌వాడీ హెల్పర్ పోస్టులు 108, అంగన్‌వాజడీ మినీవర్క్ పోస్టులు మూడు చొప్పున ఉన్నాయి.
ఈ పోస్టులకు దరఖాస్తు చేసుకునే మహిళా అభ్యర్థులు ఏడో తరగతి నుంచి పదో తరగతి వరకు దరఖాస్తు చేయాల్సి వుంటుంది. అభ్యర్థుల వయసు 21 నుంచి 55 యేళ్ల మధ్య ఉండాలి. ఆసక్తి కలిగిన అభ్యర్థులు ఆఫ్‌లైన్ ద్వారా దరఖాస్తు చేసుకోవచ్చు. వీటిని ఈ నెల 11వ తేదీలోపు పంపిచాల్సి ఉంటుంది. ఇంటర్వ్యూలను ఈ నెల 12వ తేదీన నిర్వహిస్తారు.
