ఏపీ ఎన్నికల ఫలితాలు.. రాజకీయాలు వద్దు.. హిమాలయాలకు జగన్?
ఆంధ్రప్రదేశ్‌ మాజీ ముఖ్యమంత్రి వైఎస్‌ జగన్‌మోహన్‌రెడ్డికి ఈ ఏడాది ఎన్నికల్లో ఖంగుతిన్నారు. ఇటీవల వైసీపీ అంతర్గత సమావేశం జరిగిన రెండ్రోజుల తర్వాత ఆలస్యంగా ఓ విషయం వెలుగులోకి వచ్చింది. ఎన్నికల ఫలితాలు చూసి జగన్ మోహన్ రెడ్డి రాజకీయాలను వదిలేసి హిమాలయాలకు వెళ్లాలని భావించినట్లు సమాచారం.
ఈ సమావేశంలో జగన్ మాట్లాడుతూ "ఎన్నికల ఫలితాలతో నేను షాక్ అయ్యాను. నేను రాజకీయాలను వదిలి హిమాలయాలకు వెళ్లాలనుకున్నాను."అని చెప్పినట్లు తెలుస్తోంది.
ఎన్నికల్లో జరిగిన పరిణామాలతో పూర్తిగా అసంతృప్తితో ఉన్న జగన్ సాధారణ స్థితికి రావడానికి 2-3 రోజులు పట్టిందని సమాచారం. ఆ తర్వాత 40 శాతం మంది ఏపీ ప్రజలు తనకు ఓటు వేయడం చూసి కోలుకున్నారు. అందుకే ఏపీ రాజకీయాల్లోనే కొనసాగాలని నిర్ణయించుకున్నారు.
ఎన్నికల ఫలితాలు చూసి హిమాలయాలకు వెళ్లిపోవాలని జగన్ స్వయంగా వైసీపీ అంతర్గత సమావేశంలో చెప్పడం ఏపీ ప్రజలు ఏ రకంగానూ ఏకపక్షంగా తీర్పునిచ్చిందో తెలియజేస్తోంది.
