టమాటా నారు నాటుతున్న మహిళకు చిక్కిన వజ్రం...

రాయలసీమ ప్రాంతంలో తొలకరి జల్లుల సమయంలో ఆకాశం నుంచి వజ్రాలు పడుతుంటాయి. దీంతో పొలాల్లో వజ్రాల వేట ముమ్మరంగా సాగుతుంది. ఈ క్రమంలో కర్నూలు జిల్లాలోని పొలాల్లో వజ్రాల వేట కొన్ని రోజులుగా కొనసాగుతోంది. 

వర్షాకాలం వచ్చిందంటే చాలు ఇక్కడి పొలాలు జాతరను తలపిస్తాయి. స్థానికులే కాకుండా చుట్టుపక్కల జిల్లాల ప్రజలు కూడా వచ్చి ఇక్కడ వజ్రాల వేటలో మునిగి తేలుతుంటారు. జిల్లాలోని జొన్నగిరిలో ఆదివారం ఓ మహిళా కూలీకి ఖరీదైన వజ్రం లభించింది.

టమాటా నారు నాటుతున్న కూలీ చేతికి చిక్కిన ఈ వజ్రాన్ని అదే గ్రామానికి చెందిన ఓ వ్యాపారి రూ.6 లక్షలకు కొనుగోలు చేసినట్టు తెలుస్తోంది. జొన్నగిరిలో ఇటీవల ఓ రైతుకు దొరికిన వజ్రం రూ.1.25 కోట్లకు అమ్ముడుపోయిన విషయంతెల్సిందే. 

కాగా, జిల్లాలోని జొన్నగిరి, పగిడిరాయి, జి.ఎర్రగుడి, పెరవలి ప్రాంతాల్లో వజ్రాలు దొరుకుతుంటాయి. గతంలో వివిధ ప్రాంతాల నుంచి వచ్చిన వారు ఇక్కడ తవ్వకాలు జరిపేవారు. ఇప్పుడు స్థానికులే ఆ పని చేస్తున్నారు.