తలకు మించిన అప్పు ఉంది .. రాత్రిల్లో మద్యం సేవించేది : శ్రీదేవి చిన్నాన్న వేణుగోపాల్ రెడ్డి
నటి శ్రీదేవిని ఆర్థికపరమైన ఇబ్బందులే బాగా కుంగదీశాయని ఆమె చిన్నాన్న వేణుగోపాల్ రెడ్డి అంటున్నారు. పెళ్ళి తర్వాతే శ్రీదేవి ఎన్నో ఇబ్బందులు ఎదుర్కొన్నారని, అందం కోసం శ్రీదేవి ఎంతో పాకులాడేదని, ముక్కుకు
నటి శ్రీదేవిని ఆర్థికపరమైన ఇబ్బందులే బాగా కుంగదీశాయని ఆమె చిన్నాన్న వేణుగోపాల్ రెడ్డి అంటున్నారు. పెళ్ళి తర్వాతే శ్రీదేవి ఎన్నో ఇబ్బందులు ఎదుర్కొన్నారని, అందం కోసం శ్రీదేవి ఎంతో పాకులాడేదని, ముక్కుకు మూడుసార్లు సర్జరీ కూడా చేయించుకున్నారని చెప్పారు. ఒక సందర్భంలో చర్మం ముడతలు పడకుండా కూడా ఆపరేషన్ చేయించుకుని అనారోగ్యానికి గురయ్యారని చెప్పారు.
అలాగే, శ్రీదేవి పెళ్లి కుటుంబ సభ్యులకు తెలియకుండానే జరిగిందన్నారు. కనీసం మాటమాత్రం కూడా చెప్పకుండా బోనీ కపూర్‌ను పెళ్లి చేసుకుందన్నారు. ఎపుడైనా తిరుమల శ్రీవారి దర్శనార్థం వస్తే బోనీ కపూర్ తమతో పెద్దగా కలిసేవాడు కాదని, పెళ్ళయిన తర్వాత శ్రీదేవి బంధువులను దూరం పెడుతూ వచ్చిందన్నారు.
అదేసమయంలో శ్రీదేవి రాత్రి వేళల్లో మద్యం సేవించేదని మా వాళ్ళు చెప్పారు.. కానీ నేను ప్రత్యక్షంగా చూడలేదని వేణుగోపాల్ రెడ్డి చెప్పారు. శ్రీదేవి వంటి మంచి వ్యక్తిని కోల్పోవడం ఎంతో బాధించిందని, తన ఇద్దరు పిల్లలను ఆర్థికంగా నిలబెట్టాలని శ్రీదేవి ఎంతో తాపత్రయ పడుతూ ఉండేదని చెప్పారు. శ్రీదేవి అప్పులు తీర్చేంత ఆర్థిక స్తోమత మా బంధువుల్లో ఎవరికీ లేదని ఆయన చెప్పుకొచ్చారు.
