ఏపీ రాష్ట్ర పునర్నిర్మాణమే లక్ష్యం.. వారి విశ్వాసాన్ని పొందాలి: చంద్రబాబు
ఆంధ్రప్రదేశ్ రాష్ట్ర పునర్నిర్మాణం లక్ష్యంగా ప్రభుత్వం పనిచేస్తోందని, పెట్టుబడిదారుల విశ్వాసాన్ని తిరిగి పొందడం చాలా కీలకమని ఆంధ్రప్రదేశ్ ముఖ్యమంత్రి నారా చంద్రబాబు నాయుడు గురువారం అన్నారు. భారత్ పెట్రోలియం కార్పొరేషన్ లిమిటెడ్ (బీపీసీఎల్), విన్‌ఫాస్ట్‌ల ఉన్నతాధికారులను కలిసిన తర్వాత ఎక్స్‌లో స్పందించారు.
"ఆంధ్రప్రదేశ్ పునర్నిర్మాణం కోసం మేము ఒక మిషన్‌లో ఉన్నాం. గత ప్రభుత్వం ఎక్కడ వదిలిపెట్టిందో చూస్తే, ఇది పెద్ద సవాలుగా మారనుంది. ఈ మిషన్‌లో అందరి మద్దతు నాకు అవసరం, ముఖ్యంగా మన ప్రజాస్వామ్యానికి నాల్గవ స్తంభమైన మీడియా. ప్రభుత్వాన్ని జవాబుదారీగా ఉంచుతూ పౌరులకు సమాచారం అందించడంలో మీడియా కీలక పాత్ర పోషిస్తుంది" అని సీఎం చంద్రబాబు నాయుడు అన్నారు.
బిపిసిఎల్ - విన్‌ఫాస్ట్‌లతో తాను ఉత్పాదక సమావేశాలను నిర్వహించానని, తద్వారా పెద్ద ఎత్తున పెట్టుబడులు, ఉద్యోగాల కల్పన సాధ్యమవుతుందని సీఎం పేర్కొన్నారు.
