గాంధీ ఆస్పత్రిలో దారుణం.. మహిళపై సెక్యూరిటీగార్డు లైంగికదాడి
సుస్తి చేస్తే బాగు చేయాల్సిన దావఖానాల్లోనే మహిళలు అత్యాచారాలకు గురవుతున్నారు. తాజాగా హైదరాబాద్ గాంధీ ఆస్పత్రిలో దారుణం జరిగింది. మహిళపై ఓ సెక్యూరిటీ గార్డు లైంగిక దాడికి పాల్పడ్డాడు. రోగికి సహాయంగా ఉం
సుస్తి చేస్తే బాగు చేయాల్సిన దావఖానాల్లోనే మహిళలు అత్యాచారాలకు గురవుతున్నారు. తాజాగా హైదరాబాద్ గాంధీ ఆస్పత్రిలో దారుణం జరిగింది. మహిళపై ఓ సెక్యూరిటీ గార్డు లైంగిక దాడికి పాల్పడ్డాడు. రోగికి సహాయంగా ఉండేందుకు వెళ్లగా, ఈ దారుణం జరిగింది. ఈ విషయం తెలిసిన సహచర సెక్యూరిటీ సిబ్బంది ఈ దారుణాన్ని అత్యంత గోప్యంగా ఉంచారు. అయితే, బాధితురాలు నోరు తెరవడంతో ఈ లైంగిక దాడి ఘటన వెలుగులోకి వచ్చింది. ఈ వివరాలను పరిశీలిస్తే...
సికింద్రాబాద్‌కు చెందిన ఓ వ్యక్తి అనారోగ్యం కారణంగా గాంధీ ఆస్పత్రిలో చికిత్స పొందుతున్నాడు. అతడికి సహాయంగా ఉండేందుకు ఓ మహిళ(35) వెళ్లింది. శనివారం అర్థరాత్రి దాటాక అక్కడ విధులు నిర్వహిస్తున్న సెక్యూరిటీగార్డు ఆమెకు మాయమాటలు చెప్పి బయటకు తీసుకెళ్లాడు. గాంధీ మెడికల్‌ కాలేజీ ఎదురుగా ఉన్న క్రీడా మైదానంలో లైంగికదాడికి పాల్పడినట్టు సమాచారం.
ఇద్దరి మధ్య డబ్బు విషయంలో తలెత్తిన గొడవతో ఆమె పోలీసులకు ఫిర్యాదు చేసినట్టు సెక్యూరిటీగార్డు తన స్నేహితులతో చెప్పినట్టు తెలిసింది. బాధితురాలు ఆస్పత్రిలోని పోలీస్‌ ఔట్‌పోస్టులో ఆదివారం ఫిర్యాదు చేయడంతో ఈ విషయం వెలుగులోకి వచ్చింది.
