రియో ఒలింపిక్స్లో హృద్యమైన ప్రేమఘట్టం.. హె జీ వేలికి ప్రేమగా ఉంగరం తొడిగి..?
రియో ఒలింపిక్స్ వేదిక ఒక ప్రేమ జంటకు వేదికగా మారింది. అసలు విషయం ఏంటంటే... మూడు మీటర్ల స్ప్రింగ్బోర్డు డైవింగ్ ఈవెంట్లో అద్భుతమైన విన్యాసాలు కనబర్చిన చైనీస్ డైవింగ్ క్రీడాకారిణి హె జీ రజత పతకాన్ని
రియో ఒలింపిక్స్ వేదిక ఒక ప్రేమ జంటకు వేదికగా మారింది. అసలు విషయం ఏంటంటే... మూడు మీటర్ల స్ప్రింగ్బోర్డు డైవింగ్ ఈవెంట్లో అద్భుతమైన విన్యాసాలు కనబర్చిన చైనీస్ డైవింగ్ క్రీడాకారిణి హె జీ రజత పతకాన్ని సొంతం చేసుకుంది. మెడల్ అందుకొని సంతోషంగా ఆమె పొడియం దిగగానే.. ఆమె ప్రియుడు, సహచర డైవింగ్ ఆటగాడు కిన్ కై (30) ఆమెను అడ్డుకున్నాడు. ఆమె దగ్గరకు వెళ్లి మోకాళ్లపై కూర్చుని లవ్ ప్రపోజల్ చేశాడు.
దీంతో అమితానందానికి గురైన ఆమె, అతడి ప్రేమను అంగీకరించి చిరునవ్వు చిందించింది. అంతేకాకుండా ఆ ప్రియుడు తన ప్రియురాలికి చిన్న కానుకను అందించాడు. హె జీ వేలికి అతడు ప్రేమగా ఉంగరం తొడిగి.. తన దానిని చేసుకున్నాడు. ఈ హృద్యమైన ప్రేమఘట్టం చూస్తున్న ప్రేక్షకులను కదిలించింది. వారు ఆనందంతో హర్షధ్వానాలు చేశారు. ఈ ప్రేమజంటను నిండుమనస్సుతో ఆశీర్వదించారు.