కోడలిని లోబరుచుకునేందుకు హింసించిన మామ, చివరికి...
కోడలు అంటే కూతురితో సమానం. కొడుకు భార్యను గౌరవంగా చూసుకోవాలి. పుట్టింటి నుంచి మెట్టినింటికి వచ్చిన కోడలిని తమ సొంత కుమార్తెలా భావించాలి. కానీ కామంతో కళ్ళుమూసుకుపోయిన మామ ఏకంగా కోడలిపైనే కన్నేశాడు. భార్యను పోగొట్టుని కామంతో కొట్టుకుంటున్న ఆ మామ కోడలిని గదికి రమ్మన్నాడు. భర్తకు చెప్పినా ఉపయోగం లేకపోవడంతో ఆ అభాగ్యురాలు ఆత్మహత్య చేసుకుంది.
హర్యానా జిల్లా పల్వాల్ జిల్లాలోని అలీగఢ్ రోడ్డులో నివాసముంటున్నారు రజినీకాంత్ అతడి భార్య. ఆరునెలల క్రితమే వీరికి వివాహం జరిగింది. రజినీకాంత్ తండ్రి మోహన్ భార్య అనారోగ్యంతో రెండేళ్ళ క్రితం చనిపోయింది. ఇంటి పట్టునే ఉంటున్న మోహన్ ఏ పని చేసేవాడు కాదు.
పెళ్ళయిన ఐదు నెలల వరకు మామ ఆప్యాయంగానే చూసుకున్నాడు. కోడలిని అమ్మా అమ్మా అంటూ పిలిచేవాడు. అయితే గత నెల రోజుల నుంచి మోహన్ కోడలిపై కన్నేశాడు. కొడుకు ఆఫీసుకు వెళితే చాలు కోడలిని ఎక్కడెక్కడో తాకుతూ అసభ్యంగా ప్రవర్తించేవాడు. మామ అలా చేస్తుంటే ఏం చేయాలో పాలుపోని స్థితిలోకి వెళ్ళిపోయింది ఆ అభాగ్యురాలు. మెల్లగా భర్తకు చెప్పింది. నా తండ్రి మంచి వాడు. అలా చేయడు. నువ్వు పొరపాటు పడి ఉంటావన్నాడు. దీంతో ఆమె కూడా సైలెంట్‌గా ఉండేది.
భర్తకు చెప్పినా ఉపయోగం ఉండదని భావించింది. కానీ మామ ప్రవర్తన రోజురోజుకు ఎక్కువ కావడం.. ఇష్టానుసారం ప్రవర్తిస్తూ ఉండటంతో మనస్థాపానికి గురైంది. శారీరక సుఖం కోసం మామ చేస్తున్న పనిని భర్తకు ఎలా అర్థమయ్యాలో చెప్పలేక సతమతమవుతూ ఉండేది. అయితే రెండురోజుల క్రితం మోహన్ తన కోడలిని బలవంతం చేయబోయాడు. దీంతో తీవ్ర మనస్థాపానికి గురైన ఆ వివాహిత ఇంట్లో ఉరి వేసుకుని ఆత్మహత్య చేసుకుంది. తన ఆత్మహత్యకు సంబంధించిన వివరాలను లేఖలో రాసింది.
తాను పడిన ఆవేదన.. భర్తకు చెప్పలేక పడిన బాధ.. మామ హింస మొత్తాన్ని కలగలిపి ఒక లేఖ రాసింది. భార్య మరణంతో తీవ్ర మనోవేదనకు గురయ్యాడు భర్త. భార్య చెబుతున్నా తను పట్టించుకోలేదంటూ బోరున విలపించాడు.
