లైవ్‌లో ఉండగా రిపోర్టర్‌కు ఫిట్స్ వచ్చింది.. ఎలా చనిపోయిందో చూడండి (వీడియో)
పాకిస్థాన్‌కు చెందిన ఓ రిపోర్టర్ లైవ్‌లో ఉండగా ఫిట్స్ వచ్చి కిందపడిపోయింది. దీంతో రిపోర్టర్ చనిపోయిందని అందరూ అనుకున్నారు. కానీ ఆమె మాత్రం తానింకా బతికే వున్నానంటూ ప్రకటించింది. వివరాల్లోకి వెళితే.. ప
పాకిస్థాన్‌కు చెందిన ఓ రిపోర్టర్ లైవ్‌లో ఉండగా ఫిట్స్ వచ్చి కిందపడిపోయింది. దీంతో రిపోర్టర్ చనిపోయిందని అందరూ అనుకున్నారు. కానీ ఆమె మాత్రం తానింకా బతికే వున్నానంటూ ప్రకటించింది. వివరాల్లోకి వెళితే.. పాకిస్థాన్ న్యూస్ ఛానెల్ 'టీవీ 92'లో రిపోర్ట‌ర్‌గా ప‌నిచేస్తున్న ఇర్జా ఖాన్ అనే యువ‌తి చ‌నిపోయిందంటూ జోరుగా ప్రచారం సాగింది. లైవ్ నుంచి కిందపడిపోయిన మాట నిజమేనని.. అయితే ఆస్పత్రిలో చికిత్స పొందాక తిరిగి ఇంటికొచ్చానని చెప్పింది.
నిక్షేపంగా వున్న స‌ద‌రు యువ‌తి స్పందిస్తూ... తాను బతికే ఉన్నాన‌ని.. తన‌కు సంబంధించిన వీడియో ఒక‌టి విప‌రీతంగా వైర‌ల్ అవుతోంద‌ని, అది ఓ పాత వీడియో అని, దాన్ని చూస్తూ అంతా తాను చ‌నిపోయాన‌ని అనుకుంటున్నార‌ని ఆమె తన ట్విట్ట‌ర్ ఖాతాలో వాపోయింది.
ఇంతకీ ఏం జరిగిందంటే? ఇర్జా ఖాన్ ఏడాది క్రితం త‌మ చానెల్ త‌ర‌ఫున ఓ కార్యక్రమం కవరేజ్ కోసం ఇస్లామాబాద్‌ వెళ్లింది. ఆ కార్య‌క్ర‌మ ప్రాంగ‌ణం మొత్తం కనిపించడం కోసం క్రేన్‌పై కూర్చొని లైవ్‌లో మాట్లాడుతోంది. ఒక్క‌సారిగా అస్వస్థతకు గురై ఫిట్స్ వచ్చి పది అడుగుల ఎత్తు నుంచి కిందపడిపోయింది.
అనంత‌రం ఆసుపత్రిలో చికిత్స తీసుకుని ఇంటికి వ‌చ్చేసింది. ఈ సంద‌ర్భంగా కెమెరాకు చిక్కిన ఓ వీడియో మాత్రం సోష‌ల్ మీడియాలో ఇప్ప‌టికీ హ‌ల్‌చ‌ల్ చేస్తోంది. ఈ వీడియో చూసినవారంతా ఇర్జా ఖాన్ మరణించిందని పోస్టులు పెడుతున్నారు. ఎలా చనిపోయిందో చూడండ‌ని వీడియోను షేర్ చేస్తున్నారు.
