ట్రంప్ భార్యకు, కుమార్తెకు పోరు జరుగుతుందా? కారణం ఏంటి?
అమెరికా అధ్యక్షుడు డొనాల్డ్ ట్రంప్ కుమార్తె ఇవాంకా ట్రంప్‌కు, ట్రంప్ భార్య మెలానియా ట్రంప్‌కు పోరు జరుగుతున్నట్లు తెలుస్తోంది. ట్రంప్‌కు మెలానియా మూడో భార్య కాగా.. అమెరికాలో ఫస్ట్ లేడీ గౌరవాన్ని ఆమె దక్కించుకున్నారు. ఆమె కోసం వైట్‌హౌస్‌లో ఓ ప్రత్యేక కార్యాలయమే ఉంటుంది. మరో ఐదు నెలల్లో ట్రంప్ ఎన్నికలకు సిద్ధం అవుతున్నారు. ఈ క్రమంలో తన కుమార్తె ఇవాంక నుంచి ట్రంప్‌కు చిక్కులు వస్తున్నట్టుగానే ఉన్నాయి. ఇందుకు మెలానియా జీవిత చరిత్ర పుస్తకం ఆజ్యం పోస్తోంది.
'వాషింగ్టన్ పోస్ట్ 'రిపోర్టర్ మేరీ జోర్డాన్ , మెలానియా ట్రంప్ జీవితకథతో 'ది ఆర్ట్ ఆఫ్ హర్ డీల్ ' పేరిట పుస్తకం రాసి విడుదల చేశారు. ఈ పుస్తకం గురించి మేరీ జోర్దాన్ మాట్లాడుతూ.. ' తన తల్లికి దక్కాల్సిన ఫస్ట్ లేడీ టైటిల్‌ను సవతితల్లి అయిన మెలానియా అనుభవించడం ఏంటని ఇవాంకా ప్రశ్నించారు.
అంతేకాదు 'ఫస్ట్ లేడీస్ ఆఫీస్' పేరును 'ఫస్ట్ ఫ్యామిలీస్ ఆఫీస్' గా మార్చేందుకు ఆమె ప్రయత్నించారు. అయితే , ఇవాంకా ప్రయత్నాలను మెలానియా సమర్థవంతంగా అడ్డుకున్నారు. ప్రస్తుతం ట్రంప్‌కు మెలానియా సింగిల్ మోస్ట్ ఇన్ ఫ్లూయన్షియల్ అడ్వయిజర్' అని జోర్డాన్ తెలిపారు. కాగా , ఈ పుస్తకం ప్రస్తుతం మార్కెట్‌లోకి వచ్చింది. కానీ ఈ పుస్తకంలో అవాస్తవాలే ఎక్కువ వున్నాయని ఇవాంకాకు మద్దతిచ్చేవారు ఆరోపిస్తున్నారు. మరి ఈ పోరు ఏ వివాదానికి దారి తీస్తుందో వేచి చూడాలి.
