గర్భవతి అయితే 'పట్టా' ఇవ్వరా... హక్కుల సంఘాల నిరసన
ఓ విద్యార్థిని గర్భవతి అయిన కారణంగా స్నాతకోత్సవ వేడుకల్లో పాల్గొననివ్వకుండా నిషేధించారు. దీనికి నిరసనగా ఆ విద్యార్థిని తల్లిదండ్రులు సహా పలు హక్కుల సంఘాలు నిరసన తెలుపుతున్నాయి. ఎంత రాద్ధాంతం చేసినా సర
ఓ విద్యార్థిని గర్భవతి అయిన కారణంగా స్నాతకోత్సవ వేడుకల్లో పాల్గొననివ్వకుండా నిషేధించారు. దీనికి నిరసనగా ఆ విద్యార్థిని తల్లిదండ్రులు సహా పలు హక్కుల సంఘాలు నిరసన తెలుపుతున్నాయి. ఎంత రాద్ధాంతం చేసినా సరే ఈ విషయంలో వెనక్కు తగ్గేది లేదని ఆ విశ్వవిద్యాలయం భీష్మించుక్కూర్చుంది. వివరాల్లోకి వెళ్తే...
18 ఏళ్ల వయస్సు ఉన్న మ్యాడీ రంక్లెస్ అనే విద్యార్థిని లైంగిక కార్యకలాపాల్లో పాల్గొనడం, గర్భందాల్చడం వంటి చర్యల ద్వారా పాఠశాల విధివిధానాలను ఉల్లంఘించిందని ఆమెను పాఠశాలకు రానివ్వకుండా బహిష్కరించేందుకు సిద్ధమైంది మేరీల్యాండ్ హాజర్స్‌టౌన్‌లోని హెరిటేజ్‌ అకాడమీ. కానీ ఆమె తల్లిదండ్రుల విజ్ఞప్తిని పరీశీలించి పాఠశాలకు రానిచ్చినా, స్నాతకోత్సవ వేడుకల్లో తన డిప్లొమా పట్టాని మాత్రం అందించమని తెగేసి చెప్పింది.
పెళ్లిపీటలపై తాళి కట్టించుకుని, వివాహ దుస్తుల్లోనే నేరుగా పరీక్షా హాలుకి వెళ్లి వస్తున్న నవ వధువులను చూడటం, సరైన అవగాహన లేకపోవడం, అధికారుల పర్యవేక్షణా లోపాల వల్ల బాల్యవివాహాలకు బలై గర్భిణిగానో, పిల్లల తల్లిగానో మారిన విద్యార్థుల పసిమొహాలను చూడటం అలవాటైన మనకు ఇది పెద్ద వింతకాకున్నా.. కేవలం గర్భవతి అన్న కారణంతో 18 ఏళ్ల అమ్మాయిని ఈ విధంగా బహిష్కరించడం మాత్రం అమెరికా దేశస్థులకు వింతగానే ఉంది.
