ఆదివారం, 3 మార్చి 2024
  1. వార్తలు
  2. తెలుగు వార్తలు
  3. అంతర్జాతీయ వార్తలు
Written By వరుణ్
Last Updated : మంగళవారం, 9 మే 2023 (15:38 IST)

పాకిస్థాన్ మాజీ ప్రధాని ఇమ్రాన్ ఖాన్ అరెస్టు

imran khan
పాకిస్థాన్‌ మాజీ ప్రధాని, తెహ్రీక్‌ -ఏ- ఇన్సాఫ్‌ అధినేత, ఆ దేశ మాజీ క్రికెటర్ ఇమ్రాన్‌ ఖాన్‌‌ను అరెస్టు చేశారు. ఓ కేసు విచారణ నిమిత్తం ఇస్లామాబాద్‌ హైకోర్టుకు వెళ్లిన ఆయనను పాక్‌ రేంజర్లు కస్టడీకి తీసుకున్నారు. అవినీతి ఆరోపణలకు సంబంధించిన కేసులో ఆయనను అరెస్టు చేసినట్లు తెలుస్తోంది.
 
ఇమ్రాన్‌ అరెస్టు గురించి పీటీఐ పార్టీ ఓ వీడియో విడుదల చేసింది. 'ఇమ్రాన్‌ సాహిబ్‌ను పోలీసులు హింసిస్తున్నారు. కొట్టారు. ఆయన తీవ్రంగా గాయపడ్డారు' అని పీటీఐ నాయకురాలు ముష్రత్‌ చీమా చెప్పినట్లు ఆ వీడియోలో ఉంది.