హిల్టన్ హోటల్‌లోనే ఇలా జరిగింది.. మహిళ స్నానం చేస్తున్న వీడియోను..?
అమెరికాకు చెందిన ఓ ప్రముఖ హోటల్‌పై ఓ మహిళ 100 మిలియన్ డాలర్ల దావా వేసింది. వివరాల్లోకి వెళితే.. అమెరికాలోని హిల్టన్ హోటల్స్ అండ్ రిసార్ట్స్‌‌కు చెందిన గదిలో తాను స్నానం చేస్తుండగా రహస్య కెమెరాలతో చిత్రీకరించారని.. అంతేగాకుండా ఆ వీడియోను అశ్లీల వెబ్‌సైట్లో పోస్టు చేశారని ఆరోపిస్తూ ఓ మహిళ కోర్టును ఆశ్రయించింది.
మూడేళ్ల క్రితం హిల్టన్ హోటల్‌లో బస చేసిన సమయంలో.. హోటల్‌కు చెందిన ఓ ఉద్యోగి తాను స్నానం చేసిన దృశ్యాలను చిత్రీకరించాడని.. ఈ విషయాన్ని మూడేళ్ల తర్వాతే తాను తెలుసుకున్నట్లు బాధితురాలు కోర్టుకు తెలిపింది.
ఈ ఏడాది సెప్టెంబర్‌లో ఓ వ్యక్తి నుంచి బాధితురాలు మెయిల్ వచ్చింది. అశ్లీల వెబ‌్‌సైట్ లింకును మెయిల్‌లో పెట్టాడు. అంతటితో ఆగకుండా.. ఈ వీడియోను ఇతర సైట్లలో కూడా పోస్ట్ చేస్తానని.. అలా చేయకుండా వుండాలంటే.. డబ్బు కావాలని డిమాండ్ చేశాడు. దీంతో బాధిత మహిళ కోర్టును ఆశ్రయించింది. హిల్టన్ హోటల్స్‌పై 100 మిలియన్ డాలర్లకు దావా వేసింది.
దీనిపై హిల్టన్ హోటల్ యాజమాన్యం కూడా స్పందించింది. హోటల్‌కు వచ్చే అతిథుల ప్రైవసీపై సీరియస్‌గా వుంటామని.. అయినప్పటికీ బాధిత మహిళకు ఇబ్బంది కలిగించిన వ్యక్తిపై చర్యలు తీసుకుంటామని ప్రకటించింది.
