రైతు ప్రేమంటే అది.. ఆవు కోసం హెలికాఫ్టర్ తెచ్చి...? (video)
అవును రైతు తన ఆవు పట్ల ఎనలేని ప్రేమను చూపెట్టాడు. స్విట్జర్లాండ్‌లోని ఒక రైతు గాయపడిన ఆవును హెలికాప్టర్‌లో తీసుకెళ్లాడు. వివరాల్లోకి వెళితే స్విజ్ ఆల్ప్స్‌లోని ఒక పర్వతం నుంచి ఆవును హెలికాఫ్టర్‌లో ఆ రైతు తీసుకెళ్లాడు. ఎందుకంటే ఆవు కదల్లేని పరిస్థితిలో వున్నది.
ఇంకా గాయం కావడంతో ఆవును హెలికాఫ్టర్ ద్వారా తీసుకెళ్లాడు. వేరే విధంగా ప్రయాణించాలంటే ఆవు ప్రాణాలకే ప్రమాదం అని ఈ నిర్ణయం తీసుకున్నారు. ఆవును తాళ్లతో కట్టి హెలికాఫ్టర్‌కు వేలాడదీశారు. దీన్ని చూస్తున్నప్పుడు ఆవు గాల్లో ఎగురుతున్నట్లే కనిపిస్తుంది.
దీనికి సంబంధించిన వీడియో సోషల్ మీడియాలో వైరల్ అవుతోంది. ఈ క్లిప్‌ను ట్విట్టర్‌లో పోస్ట్ చేశారు. ఆవు గమ్యానికి చేరుకోగానే కొంతమంది వచ్చి దానికి నిదానంగా దింపారు. ఆవు గురించి ఇంత శ్రద్ధ వహించినందుకు నెటిజన్లు రైతును పొగడ్తలతో ముంచెత్తుతున్నారు. ఈ వీడియో ప్రస్తుతం నెట్టింట వైరల్ అవుతోంది.
