పెరుగుతున్న సెక్స్ ప్రెగ్నెన్సీ టూరిజం.. అక్కడకు క్యూ కడుతున్న మహిళలు

భారత్‌లో టూరిజం రోజురోజుకీ అభివృద్ధి చెందుతోంది. భారత టూరిజంలో అడ్వెంచర్ టూరిజం అని హిస్టారికల్ టూరిజం అని చాలా రకాలు ఉన్నాయి,  కొన్ని దేశాల్లో అయితే సెక్స్ టూరిజం కూడా ఉంది. అయితే ఇవేవీ కాకుండా కొత్తగా ఇప్పుడు ప్రెగ్నెన్సీ టూరిజం అనే మాట వినిపిస్తోంది. ఇది మరెక్కడో కాదు సాక్షాత్తూ మన దేశంలోనే. ప్రెగ్నెన్సీ టూరిజం అంటే ఒక ప్రాంతానికి వెళ్లి అక్కడి పురుషులతో సెక్స్‌లో పాల్గొని గర్భం దాల్చడం.

హిమాలయా ప్రాంతంలోని లద్దాఖ్ పరిసర ప్రాంతాల్లో ప్రెగ్నెన్సీ టూరిజం జరుగుతోంది. హిమాలయా ప్రాంతాల్లోని బ్రోక్పా అనే తెగకు చెందిన పురుషులతో సెక్స్ చేసి గర్భం దాల్చడానికి చాలా దేశాల నుండి మహిళలు ఇక్కడికి వస్తున్నారట. దీనికి కారణం ఇక్కడి ప్రజలే స్వచ్ఛమైన ఆర్యులని విశ్వసించడమేనట. స్వచ్ఛమైన ఆర్యులకు జన్మనివ్వాలని భావించే మహిళలు విదేశాల నుండి ఇక్కడికి వచ్చి గర్భం దాల్చే వరకు ఇక్కడే ఉంటున్నారట.

సంజీవ్ శివన్ 2007లో తీసిన డాక్యుమెంటరీ 'ది అచ్టంగ్ బేబీ... ఇన్ సెర్చ్ ఆఫ్ ప్యూరిటీ'లో దీని గురించిన వివరాలను తెలియజేసారు. ఇందులో స్వచ్ఛమైన ఆర్యులకు జన్మనిచ్చే ఉద్దేశంతో జర్మనీ నుండి ఒక మహిళ వచ్చి ఇక్కడ గర్భం దాల్చే విధానాన్ని చూపారు. ఆర్యులే స్వచ్ఛమైన మనుషులని విశ్వసించే విదేశీయులు రోజురోజుకీ ఎక్కువవుతుండటంతో ఇక్కడి ప్రెగ్నెన్సీ టూరిజంకు విపరీతమైన ఆదరణ ఏర్పడుతోందట.