ప్రేమించినోడితో కుమార్తె వెళ్లిపోతుంటే యువకుడి కాళ్లపై పడి దణ్ణంపెట్టిన తండ్రి... ఎక్కడ? (Video)
ఎంతో అల్లారుముద్దుగా పెంచుకున్న బిడ్డలు తమ చేయి దాటిపోతుంటే కన్నతల్లిదండ్రులు తల్లడిల్లిపోతూ, ఏమాత్రం జీర్ణించుకోలేకపోతున్నారు. తాజాగా తమిళనాడు రాష్ట్రంలో గుండెలు పిండేసే దృశ్యం ఒకటి జరిగింది. ఎంతో ప్రేమగా పెంచుకున్న కుమార్తె.. ప్రేమించినవాడితో వెళ్లిపోతుంటే ఆ కన్నతండ్రి కూడా ఓర్చుకోలేకపోయాడు.
కుమార్తెను వెంబడించి ప్రియుడుతో వెళ్లొద్దంటూ కాళ్ళమీదపడి ప్రాధేయపడినా ఆ కుమార్తె కనికరించలేదు. గుండెలు పిండేసే ఈ దృశ్యం ప్రతి ఒక్కరినీ కలచివేస్తుంది. దీనికి సంబంధించిన వీడియో ఒకటి ఇపుడు నెట్టింట వైరల్‌గా మారింది.
తన కుమార్తె ప్రేమించి యువకుడు వెళ్లిపోతుంటే ఇంటికి రమ్మని కుమార్తెను కోరాడు. తన కుమార్తెను వదిలివేయాలని ఆ యువకుడు కాళ్లపై పడి దణ్ణం పెట్టిమరీ వేడుకున్నాడు. తండ్రి అల్లాడిపోతున్నా ఆ కుమార్తె మనసు మాత్రం ఏమాత్రం కరగలేదు. తను ప్రేమించిన యువకుడుతో వెళ్లేందుకే సిద్ధపడింది. తమను వదిలివేయాలని తండ్రి కాళ్లకు దణ్ణం పెట్టింది.
