మేనకోడలితో కీచక మామ లింకు... పెళ్లి తర్వాత కుదరదన్నందుకు బ్లాక్‌మెయిల్

video
ఠాగూర్| Last Updated: ఆదివారం, 2 ఆగస్టు 2020 (13:42 IST)
గుజరాత్ రాష్ట్రంలో ఓ కీచక మేనమామ కథ వెలుగులోకి వచ్చింది. తన మేనకోడలికి మాయమాటలు చెప్పి అక్రమ సంబంధం పెట్టుకున్నాడు. ఆ తర్వాత ఆమెకు తెలియకుండా ఏకాంతంగా ఉన్న సమయంలో వీడియోలు తీశాడు. కొన్ని నెలలకు ఆ యువతికి వివాహమైంది. వివాహం తర్వాత కూడా తనతో సంబంధం కొనసాగించాలని మేనమామ వేధించసాగాడు. కానీ, మేనకోడలు అంగీకరించలేదు. దీంతో ఏకాంతంగా ఉన్నపుడు తీసిన వీడియోలతో బెదిరించసాగాడు.

తాజాగా వెలుగులోకి వచ్చిన ఈ వివరాలను పరిశీలిస్తే, గుజరాత్ రాష్ట్రంలోని సౌరాష్ట్రకు చెందిన ఓ యువతి సూరత్‌లోని పూనా ప్రాంతంలో చీరలపై లేస్ వర్క్ చేస్తూ జీవిస్తోంది. ఈ పనిని ఆమె మేనమామ(30) నేర్పించాడు. ప్రతి రోజు యువతి ఇంటికి ఆయన వచ్చిపోతుండేవాడు. ఈ క్రమంలో వారిద్దరి మధ్య ప్రేమ చిగురించింది. అతని నమ్మి అతనికి సర్వం సమర్పించింది. అయితే ఆమెతో ఏకాంతంగా గడిపిన సందర్భాలను ఆ వ్యక్తి వీడియో తీసి భద్రంగా దాచుకున్నాడు.

ఆ తర్వాత ఆ యువతికి తల్లిదండ్రులు పెళ్లి సంబంధాలు చూడటం మొదలుపెట్టారు. ఈ విషయం తెలుసుకున్న మేనమామ.. యువతి దగ్గరికి వచ్చి పెళ్లి తర్వాత కూడా తనతో లైంగిక సంబంధాన్ని కొనసాగించాలని కోరాడు. దీనికి ఆమె నిరాకరించడంతో పాటు అతన్ని దూరంగా పెట్టసాగింది. దీన్ని జీర్ణించుకోలేని ఆ వ్యక్తి... వారిద్దరు ఏకాంతంగా గడిపిన వీడియోను యువతి తండ్రితో పాటు, వారి వర్గానికి చెందిన ఇతరులకు పంపాడు. అనంతరం యువతిని మానసికంగా వేధించసాగాడు. ఈ వేధింపులు మరింతగా ఎక్కువకావడంతో ఇక భరించలేని ఆ యువతి కుటుంబ సభ్యులు సూరత్‌ పోలీసులకు ఫిర్యాదు చేశారు. కేసు నమోదు చేసుకొని, పరారీలో ఉన్న నిందితుడి కోసం గాలిస్తున్నారు.



దీనిపై మరింత చదవండి :