అస్సాంలో భారీ వరదలు.. కొండచరియలు విరిగిపడి..

అస్సాంలోని బరాక్ వ్యాలీ, డిమా హసావో జిల్లా, పొరుగు రాష్ట్రాలైన త్రిపుర, మిజోరాం, మణిపూర్‌లకు ఉపరితల సంబంధాలు గురువారం తెగిపోయాయని, ఎడతెరిపి లేకుండా కురుస్తున్న వర్షాల కారణంగా అస్సాంలోని పలు ప్రాంతాల్లో కొండచరియలు విరిగిపడి రోడ్లు, రైల్వే ట్రాక్‌లు కొట్టుకుపోయాయని అధికారులు తెలిపారు.

అసోంలోని దిమా హసావో జిల్లాలో అధిక వర్షాల కారణంగా కొండచరియలు విరిగిపడటం, వరదల వంటి పరిస్థితి ఏర్పడింది. దీని వలన అనేక ప్రదేశాలలో రైల్వే సేవలు, రహదారులకు అంతరాయం ఏర్పడింది. అసోం ముఖ్యమంత్రి హిమంత బిస్వా శర్మ వీలైనంత త్వరగా కనెక్టివిటీని పునరుద్ధరించాలని, నిరంతర వర్షాల వల్ల ప్రభావితమైన ప్రజలకు అవసరమైన అన్ని సహాయం అందేలా చూడాలని అధికారులను ఆదేశించారు.

మే 4 వరకు అనవసర ప్రయాణాలను వాయిదా వేయాలని వ్యక్తులను కోరుతూ డిమా హసావో జిల్లా విపత్తు నిర్వహణ అథారిటీ ఒక సలహా జారీ చేసింది.