రెచ్చిపోయిన ప్రేమోన్మాది.. ప్రేమకు నో చెప్పింది.. యాసిడ్‌ను ముఖంపై పోసేశాడు..
ప్రేమోన్మాది రెచ్చిపోయాడు. తన ప్రేమను తిరస్కరించిందనే కోపంతో ఓ యువతిపై యాసిడ్ దాడికి పాల్పడ్డాడు. ఈ ఘటన పశ్చిమ బెంగాల్‌లోని సౌత్‌ 24 పరగనాస్‌ జిల్లాలో చోటుచేసుకుంది.
ప్రేమోన్మాది రెచ్చిపోయాడు. తన ప్రేమను తిరస్కరించిందనే కోపంతో ఓ యువతిపై యాసిడ్ దాడికి పాల్పడ్డాడు. ఈ ఘటన పశ్చిమ బెంగాల్‌లోని సౌత్‌ 24 పరగనాస్‌ జిల్లాలో చోటుచేసుకుంది.
వివరాల్లోకి వెళితే.. యువతి తన బంధువు ఇంట్లో ఉంటూ.. ఆమె ఇంటి నుంచి బయటికి రాగానే స్థానికంగా ఉన్న హఫ్జల్ లష్కర్ అనే యువకుడు సైకిల్‌పై యాసిడ్ దాడికి పాల్పడ్డాడు. ఈ దాడిలో బాధిత యువతి ముఖం తీవ్రంగా కాలిపోగా పక్కనే ఉన్న అమ్మాయి స్వల్పంగా గాయపడింది. గాయపడిన వారిద్దరినీ చికిత్స నిమిత్తం డైమండ్‌ హార్బర్‌ ఆసుపత్రికి తరలించారు.
గత కొంతకాలంగా ఆ యువకుడు తమ కూతురి వెంటపడుతూ వేధింపులకు గురిచేస్తున్నాడని కుటుంబసభ్యులు తెలిపారు. పోలీసులకు ఫిర్యాదు చేస్తే పరువు పోతుందని యువకుడిపై పోలీసులకు ఫిర్యాదు చేయలేదని వాపోయారు. దీనిపై కేసును నమోదు చేసుకున్న పోలీసులు దర్యాప్తు చేపట్టారు.
