2 రోజులు.. పోర్న్ వీడియో చూసి.. ఎనిమిదేళ్ల బాలికపై మైనర్ల సామూహిక అత్యాచారం..
ఎనిమిదేళ్ల బాలికపై అత్యాచారం కలకలం రేపుతోంది. తొమ్మిదేళ్ల నుంచి 14 ఏళ్ల వయస్సున్న ఐదుగురు బాలురు.. మొబైల్ ఫోన్‌లో రెండు రోజులపాటు పోర్న్ వీడియో చూసి.. ఎనిమిదేళ్ల బాలికపై సామూహిక అత్యాచారానికి పాల్పడ్డ
ఎనిమిదేళ్ల బాలికపై అత్యాచారం కలకలం రేపుతోంది. తొమ్మిదేళ్ల నుంచి 14 ఏళ్ల వయస్సున్న ఐదుగురు బాలురు.. మొబైల్ ఫోన్‌లో రెండు రోజులపాటు పోర్న్ వీడియో చూసి.. ఎనిమిదేళ్ల బాలికపై సామూహిక అత్యాచారానికి పాల్పడ్డారు. ఈ ఘటన డెహ్రాడూన్‌లోని సాహస్‌పూర్‌లో చోటుచేసుకుంది. ఈ ఘటనపై కేసు నమోదు చేసుకున్న పోలీసులు.. నిందితులను అరెస్ట్ చేసి జువైనల్ హోమ్‌కు తరలించారు.
వివరాల్లోకి వెళితే.. సాహస్‌పూర్‌కు చెందిన బాలురు ఆడుకుందామని బాలికను నమ్మించి ఓ స్నేహితుడి ఇంట్లోకి తీసుకెళ్లి ఈ దుర్మార్గానికి పాల్పడ్డారని పోలీసులు తెలిపారు. ఈ ఘటనకు రెండు రోజులు ముందు ఫోన్‌లో పోర్న్ సినిమా చూసినట్టు నిందితుల్లో ఒకడైన బాలుడు చెప్పాడు. అనంతరం బాలికపై అత్యాచారానికి ప్లాన్ చేసినట్టు చెప్పాడు.
గురువారం ఈ ఘటన చోటుచేసుకుందని.. ఆదివారం బాలురను అదుపులోకి తీసుకున్నట్లు పోలీసులు వెల్లడించారు. నిందితులపై పోక్సో చట్టం కింద కేసు నమోదు చేసినట్టు సాహస్‌పూర్ పోలీస్ స్టేషన్ ఇన్‌చార్జ్ నరేశ్ రాథోడ్ తెలిపారు.
