శుక్రవారం, 29 మార్చి 2024
  1. వార్తలు
  2. తెలుగు వార్తలు
  3. జాతీయ వార్తలు
Written By ఠాగూర్
Last Updated : గురువారం, 18 మార్చి 2021 (10:50 IST)

చూడు.. నీ కళ్లముందే.. నీ భార్యను రేప్ చేస్తాం.... మాజీ భర్త తమ్ముడి వికృతక్రీడ

రాజస్థాన్ రాష్ట్రంలో ఓ మహిళ మాజీ భర్త సోదరుడు ఓ వికృతక్రీడకు పాల్పడ్డాడు. కట్టుకున్న భర్త కళ్లెదుటే ఓ వివాహితపై తన స్నేహితులతో కలిసి అత్యాచారం జరిపాడు. చూస్తుండు.. నా అన్నను వదిలి నీతో కాపురం చేస్తున్న నీ భార్యను.. నీ కళ్లముందే రేప్ చేస్తున్నామంటూ హెచ్చరిస్తుమరీ అత్యాచారానికి పాల్పడ్డాడు. ఇపుడు జైలు ఊచలు లెక్కిస్తున్నాడు. 
 
ఈ వివరాలను పరిశీలిస్తే, రాజస్థాన్‌లోని భరణ్ జిల్లాకు చెందిన ఓ మహిళ.. తొలి భర్తకు విడాకులిచ్చి.. రెండో భర్తతో కలిసి జీవిస్తోంది. కానీ, రెండో భర్త కళ్లముందే.. తొలి భర్త తమ్ముడు ఆ మహిళపై అత్యాచారానికి తెగబడ్డాడు. 
 
పిల్లలు లేకపోవడంతో ఆమె మొదటి భర్త నుంచి వేరుపడిన మహిళ... మరో వ్యక్తిని వివాహమాడింది. అయితే, శనివారం రాత్రి బాధితురాలు తన భర్తతో కలిసి ఇంటి వస్తుండగా.. నిందితుడు తన స్నేహితులతో కలసి ఆమెను అడ్డగించాడు. వాళ్లను బలవంతంగా పక్కనే ఉన్న పొలాల్లోకి లాక్కెళ్లారు. 
 
ఆమె భర్తపై దాడి చేసి కాళ్లూ చేతులూ కట్టేసిన అనంతరం.. నిందితుడు మహిళపై ఆమె భర్త కళ్లుముందే అత్యాచారానికి పాల్పడ్డాడు. ఆ తర్వాత అక్కడి నుంచి పారిపోయారు. బాధితురాలు, ఆమె భర్త ఎలాగొలా కష్టపడి ప్రధాని రహదారికి చేరుకుని అక్కడున్న వారిని అప్రమత్తం చేయడంతో వారు పోలీసులకు సమాచారం అందించారు. 
 
కాగా.. ఈ ఘటనకు సంబంధించి మొత్తం ఐదుగురిపై పోలీసులు అత్యాచారంతో సహా వివిధ సెక్షన్ల కేసు నమోదు చేశారు. ఆదివారం నాడు మాజీ భర్త తమ్ముడితో పాటూ మరో ఇద్దరిని అదుపులోకి తీసుకున్నారు.