జీన్స్ వేసుకొచ్చాడని తొడలు కోసిన టీచర్
సాధారణంగా విద్యార్థులు సరిగ్గా చదవకపోతేనో.. హోంవర్క్ చేయకపోతేనో కొడుతుంటారు. కానీ, యూనిఫాంకు బదులుగా జీన్స్ ప్యాంటు వేసుకొచ్చాడని ఓ స్టూడెంట్ దొడలు కోసాడో టీచర్.
సాధారణంగా విద్యార్థులు సరిగ్గా చదవకపోతేనో.. హోంవర్క్ చేయకపోతేనో కొడుతుంటారు. కానీ, యూనిఫాంకు బదులుగా జీన్స్ ప్యాంటు వేసుకొచ్చాడని ఓ స్టూడెంట్ దొడలు కోసాడో టీచర్. ఈ ఘటన శనివారం ఉత్తరప్రదేశ్ రాష్ట్రం కాన్పూర్‌లోని సికిందర్ నగర్‌లో జరిగింది. తాజాగా వెలుగులోకి వచ్చిన ఈ వివరాలను పరిశీలిస్తే,
ఈ ప్రాంతానికి చెందిన ఓ విద్యార్థి స్థానిక పాఠశాలలో 11వ తరగతి చదువుతున్నాడు. రోజు మాదిరి స్కూల్‌ యునిఫాం కాకుండా జీన్స్ ధరించి శనివారం పాఠశాలకు వెళ్లాడు. దీంతో ఆగ్రహానికి గురైన స్కూల్‌ మేనేజర్‌ ప్యాంట్‌ను కత్తిరించాలని టీచర్లకు సూచించాడు.
దీంతో ఓ టీచర్ ఆ విద్యార్థి ప్యాంట్‌ను తొడలపై భాగం వరకు కత్తిరించే సమయంలో విద్యార్థి తొడలకు తీవ్రగాయాలయ్యాయి. వెంటనే పోలీసులకు ఫిర్యాదు చేసిన విద్యార్థి తండ్రి స్కూల్‌ యాజమాన్య తీరుపై ఆగ్రహం వ్యక్తంచేశారు. దీనిపై కేసు నమోదు చేసి విచారణ జపుతున్నారు.
