మటన్ కబాబ్ తయారీ విధానం...
మటన్ ఆరోగ్యానికి చాలా మంచిది. మటన్ తీసుకుంటే శరీరంలో తెలుపు రక్త కణాలను పెంచుతాయి. ఇవి శరీరంలోని బ్యాక్టీరియాతో పోరాడుతాయి. మటన్‌లోని విటమిన్స్, యాంటీ ఆక్సిడెంట్స్ అనారోగ్య సమస్యలు నుండి కాపాడుతాయి. దాంతో చెడు కొలెస్ట్రాల్ తొలగిపోతుంది. మరి ఈ మటన్‌తో కబాబ్ ఎలా చేయాలో చూద్దాం...
కావలసిన పదార్థాలు:
మటన్ కీమా - 150 గ్రాములు
చికెన్ కీమా - 100 గ్రాములు
అల్లం, వెల్లుల్లి పేస్ట్ - 2 స్పూన్స్
ఉల్లి పేస్ట్ - 1 స్పూన్
కారం - 2 స్పూన్స్
ధనియాల పొడి - 1 స్పూన్
జీలకర్ర పొడి - 1 స్పూన్
మిరియాల పొడి - 3 స్పూన్స్
ఆమ్‌చూర్ - 1 స్పూన్
అల్లం పొడి - అరస్పూన్
జీడిపప్పు పేస్ట్ - 1 స్పూన్
శెనగపిండి - 2 స్పూన్స్
కోడిగుడ్డు - 1
కొత్తిమీరు - 1 కప్పు
ఉప్పు - తగినంత
నూనె - సరిపడా.
తయారీ విధానం:
ముందుగా గిన్నెలో మటన్, చికెన్ కీమాలను వేసి అందులో అల్లం, వెల్లుల్లి పేస్ట్, ఉల్లి పేస్ట్, కారం, ధనియాల పొడి, మిరియాల పొడి, జీడిపప్పు పేస్ట్, నూనె, ఆమ్‌చూర్ వేసి బాగా కలుపుకోవాలి. ఆ తరువాత శెనగపిండి, కోడిగుడ్డు సొన, ఉప్పు వేసి కలిపి గంటపాటు ఫ్రిజ్‌లో ఉంచాలి. ఆ తరువాత సీకులకు నూనె రాసి ముందుగా తయారుచేసుకున్న మిశ్రమాన్ని పూయాలి. వీటిని గ్రిల్‌లో పెట్టి కాల్చుకోవాలి. చివరగా కొత్తిమీరు చల్లి తీసుకుంటే వేడివేడి మటన్ కబాబ్ రెడీ.
