ఈర్ష్య, అసూయల్ని ఎలా జయించాలి?
నిజానికి ఒక్క ముక్కలో సమాధానం చెప్పాలంటే ఇది సాధ్యపడదు. అయితే, కఠోర సాధన చేస్తే మాత్రం విజయం సాధించడం అసాధ్యమేమీ కాదు. ఒక మనిషిలో కలిగే అనేకానేక భావోద్వేగాల్లో ఈర్ష్య, అసూయ, ద్వేషాలు కూడా అంతర్భాగాలు. తమకు లేనిది ఇతరుల దగ్గర ఉన్నా... వారు తమ కన్నా అధికు
లు అనుకున్నా ఈ భావాలు మనిషిని చుట్టుముట్టేస్తాయి. ఆ వ్యక్తులు బంధువులు స్నేహితులు స్వంత వారు ఎవరైనా కావొచ్చు. ఏదో ఒక సందర్భంలో వారి పట్ల ఈర్ష్య కలుగుతుంటుంది.
ఇది ఎటువంటి వారిలోనైనా కనిపిస్తుంది. అయితే, ఎవరిని వారు వ్యక్తిగతంగా అభిమానించుకున్నపుడు, ప్రేమించుకున్నప్పుడు వీటి స్థాయి తగ్గిపోతుంది. స్వాభిమానం, ప్రేమ ఉన్నపుడు తమకు లేని వాటి గురించి అనుక్షణం తలపోసే గుణం ఉండదు. ఫలితంగా తోటివారిని చూసి అసూయ పడటం తగ్గిపోతుంది. మనలో గుణాల్ని తప్పక వెలికి తీసుకోవాలి. వాటికి సానపెట్టాలి. ఇతరుల్లో లేని మంచి మనలో ఏముందో అన్వేషించాలి. అపుడు మనకు లేనిది ఇతరుల వద్ద ఉందనే ఈర్ష్యకు తావుండదు.
