గురువారం, 13 జూన్ 2024
  1. ఆధ్యాత్మికం
  2. ఆధ్యాత్మికం వార్తలు
  3. వార్తలు
Written By సెల్వి
Last Updated : సోమవారం, 20 మే 2024 (15:23 IST)

హరే కృష్ణ స్వర్ణ దేవాలయంలో నరసింహ జయంతి ఉత్సవాలు

srikrishna
హైదరాబాదులోని హరే కృష్ణ స్వర్ణ దేవాలయంలో మే 21, 22 తేదీల్లో నరసింహ జయంతి నిర్వహించనున్నారు. దీనిపై హైదరాబాద్‌లోని హరే కృష్ణ మూవ్‌మెంట్ అధ్యక్షుడు సత్య గౌర చంద్ర దాస మాట్లాడుతూ, "తెలంగాణలోని ఈ స్వర్ణ దేవాలయంలో నరసింహ జయంతి ఉత్సవాలను నిర్వహిస్తున్నామని, ప్రస్తుతం తగిన ఏర్పాట్లు జరుగుతున్నాయి. పండుగ విశేషాలలో మే 21న నరసింహ హోమం, ఆ తర్వాత రోజంతా లక్ష్మీ నరసింహ స్వామి ఊంజల్ సేవ ఉన్నాయి. 
 
మే 22న, స్వయంభూ లక్ష్మీ నరసింహ స్వామి మూలవర్లకు తెల్లవారుజామున మహా అభిషేకం, మధ్యాహ్నం నరసింహ హోమం, కల్యాణోత్సవం నిర్వహిస్తారు. అదనంగా, సాయంత్రం శ్రీ లక్ష్మీ నరసింహ స్వామి ఉత్సవమూర్తికి 108 కలశ మహా అభిషేకం ఉంటుంది." అని తెలిపారు.