రిటైర్మెంట్ యోచనలో సైనా నెహ్వాల్.. సెలెబ్రిటీ హోదా కోసం బ్యాడ్మింటన్‌ను పక్కనబెట్టేసిందా?
భారత బ్యాడ్మింటన్ స్టార్ సైనా నెహ్వాల్.. రిటైర్మెంట్ ప్రకటించే ఆలోచనలో ఉందా అంటే అవుననే సమాధానాలే వస్తున్నాయి. రియో ఒలింపిక్స్ నుంచి మోకాలి గాయంతో లీగ్ దశలోనే నిష్కృమించిన సైనా నెహ్వాల్.. ఈ నెల 15వ తే
భారత బ్యాడ్మింటన్ స్టార్ సైనా నెహ్వాల్.. రిటైర్మెంట్ ప్రకటించే ఆలోచనలో ఉందా అంటే అవుననే సమాధానాలే వస్తున్నాయి. రియో ఒలింపిక్స్ నుంచి మోకాలి గాయంతో లీగ్ దశలోనే నిష్కృమించిన సైనా నెహ్వాల్.. ఈ నెల 15వ తేదీ నుంచి జరిగే చైనా ఓపెన్ సూపర్ సిరీస్ ప్రీమియర్ టోర్నీకి ప్రాక్టీసు ప్రారంభించింది. ఈ సందర్భంగా ఆమె మాట్లాడుతూ, తన భవిష్యత్ లక్ష్యాలను తానేమీ నిర్దేశించుకోలేదని స్పష్టం చేసింది.
చాలామంది తన కెరీర్ ముగిసిపోయినట్లు వ్యాఖ్యానిస్తున్నారని.. గుండె లోత్తుల్లోంచి ఆలోచిస్తే తనకు కూడా అలాగే అనిపిస్తుందని సైనా వ్యాఖ్యానించింది. అయితే ముందు ముందు ఏం జరుగుతుందో చూద్దామని సస్పెన్స్ పెట్టింది. సాధ్యమైనంత వరకు మెరుగ్గా ఆడేందుకు తీవ్రంగా కృషి చేస్తానని.. కానీ ఇప్పటికే తన పనైపోయిందని అందరూ అనుకుంటున్నట్లు వెల్లడించింది. వారు అలా అనుకోవడం కూడా తనకు హ్యాపీయేనని వెల్లడించింది.
సైనా వ్యాఖ్యలను క్రీడా పండితులు ఏం చెప్తున్నారంటే.. సైనా గాయాలతో ఆత్మవిశ్వాసాన్ని కోల్పోయినట్లుందని చెప్తున్నారు. బ్యాడ్మింటన్ క్రీడలో అగ్ర క్రీడాకారిణిగా ఓ వెలుగు వెలిగిన సైనా తనపై వస్తున్న విమర్శలను తిప్పికొట్టేందుకు అలా మాట్లాడి వుంటుందని అంటున్నారు. కానీ ఆమెకు సెలెబ్రిటీ హోదా కోసం బ్యాడ్మింటన్‌ను పక్కనబెట్టాలనుకుంటుందని.. సోషల్ మీడియాలో యాక్టివ్‌గా ఉండే సైనా.. బయోపిక్‌పై దృష్టి పెట్టి క్రీడల్ని పక్కనబెట్టేసిందని కొందరు విమర్శిస్తున్నారు.
