Nagarjuna look ముందు హిట్ లేకపోయినా రెమ్యునరేషన్ విషయంలో తగ్గెదేలే అన్నట్లు అక్కినేని నాగార్జున వున్నట్లు కనిపిస్తోంది. గతంలో ఎన్నో హిట్స్ ఇచ్చిన ఆయన ఇటీవల ప్రయోగాత్మక సినిమాలు చేసినా పెద్దగా ఆడలేదు. మరలా తన సంక్రాంతి ఫార్ములాతో నా సామిరంగ అంటూ ఈసారైన హిట్ కొట్టాలని కసితో వున్నారు. ఇందులో రాజ్ తరుణ్, అల్లరి నరేష్ కూడా వుండడంతో పూర్తి వినోదభరిత సినిమాగా వుండబోతోందని దర్శకుడు విజయ్ బిన్ని మాటలు బట్టి తెలుస్తోంది. కాగా, ఇంతకుముందు సంక్రాతి హీరోగా వున్న నాగార్జున ఈసారి కూడా ప్రణాళిక ప్రకారం సంక్రాతికే వస్తున్నాడు. శ్రీనివాస సిల్వర్ స్క్రీన్ బ్యానర్ మీద శ్రీనివాస చిట్టూరి నిర్మిస్తున్నారు. అషికా రంగనాథ్ హీరోయిన్గా నటించింది. అయితే గత రెండు చిత్రాలకు 6 నుంచి 8 కోట్ల రూపాయలు తీసుకున్న ఆయన ప్రస్తుతం ఈ సినిమాకు నాగార్జున దాదాపు 10 కోట్ల రెమ్యునరేషన్ తీసుకున్నట్లు విశ్లేషకులు తెలియజేస్తున్నారు. కాగా, ఇప్సిపటికే నాన్ థ్రియేట్రిక్ రైట్స్ 32 కోట్లు పలికినట్లు తెలుస్తోంది. మరోవైపు నైజాం రైట్స్ కూడా నాగార్జున తీసుకున్నట్లు వార్తలు వస్తున్నాయి. సినిమా విడుదలకుముందే ఈ సినిమా నిర్మాతకు బాగా బిజినెస్ అయిందని చెప్పవచ్చు.
