అల్లు అర్జున్ రఫ్ఫాడిస్తున్నాడుగా.. దక్షిణాది ఏ హీరోకూ ఈ ఫాలోయింగ్ లేదుగా..!
టాలీవుడ్ స్టైలిష్ స్టార్ అల్లు అర్జున్‌కు అరుదైన గౌరవం దక్కింది. తెలుగుతో పాటు ఇతర భాషల్లో మంచి గుర్తింపు సంపాదించిన అల్లు అర్జున్.. దక్షిణాదిన ఏ హీరో సొంతం చేసుకోని కొత్త రికార్డును తన ఖాతాలో వేసుకున్నాడు. ఫేస్‌బుక్‌లో ఏకంగా 13 మిలియన్ లైక్స్ అందుకున్నాడు అల్లు అర్జున్.
అంటే కోటి 30 లక్షల లైక్స్ అన్నమాట. దక్షిణాదిన ఇంత ఫేస్ బుక్ ఫాలోయింగ్ ఉన్న నటుడు బన్నీ మాత్రమే కావడం విశేషం. మోస్ట్ లవ్డ్ సౌత్ ఇండియన్ స్టార్‌గా లైకుల వర్షం కురిపించారు.. ఆయన ఫ్యాన్స్.
మరోవైపు ఇన్‌స్టాలో కూడా రప్ఫాడిస్తున్నాడు అల్లు అర్జున్. అటు సినిమాలు.. ఇటు సోషల్ మీడియాలో తనకు తానే సాటి అంటూ ముందుకు కదులుతున్నాడు అల్లు అర్జున్. ప్రస్తుతం ఈయన సుకుమార్ దర్శకత్వంలో పుష్ప సినిమా చేస్తున్నాడు.
లాక్‌డౌన్ తర్వాత సినిమా షూటింగ్ మళ్లీ మొదలు కానుంది. ఇప్పటికే కొంతభాగం చిత్రీకరించారు. రష్మిక మందన్న హీరోయిన్‌గా నటిస్తున్న ఈ చిత్రానికి దేవీ శ్రీ ప్రసాద్ సంగీతం అందిస్తున్నాడు. ఇప్పటికే విడుదలైన అల వైకుంఠపురములో సినిమా బంపర్ హిట్ అయ్యింది. ఈ సినిమా కూడా హిందీలో రీమేక్ కాబోతుంది. అల వైకుంఠపురములో చిత్రం ఒకటి రెండు కాదు.. 150 కోట్లకు పైగా వసూలు చేసింది.
