బాహుబలి చిత్రం ప్రపంచంలో టాలీవుడ్ గుర్తింపునే మార్చేసింది: అనిల్ కపూర్
ఇన్నాళ్లకు బాలీవుడ్ నుంచి ఒక సీనియర్ నటుడు బాహుబలి పట్ల నిజాయితీతో కూడిన ప్రశంస చేసారు. ఆయనెవరో కాదు. తెలుగు చిత్రపరిశ్రమతో చాలా కాలం నుంచి మంచి సంబంధాలు కలిగిన బాలీవుడ్ ప్రముఖ హీరో అనిల్ కపూర్. సుప్రసిద్ధ దర్శకుడు బాపు దర్శకత్వంలో వచ్చిన వంశవృక్షం
ఇన్నాళ్లకు బాలీవుడ్ నుంచి ఒక సీనియర్ నటుడు బాహుబలి పట్ల నిజాయితీతో కూడిన ప్రశంస చేసారు. ఆయనెవరో కాదు. తెలుగు చిత్రపరిశ్రమతో చాలా కాలం నుంచి మంచి సంబంధాలు కలిగిన బాలీవుడ్ ప్రముఖ హీరో అనిల్ కపూర్. సుప్రసిద్ధ దర్శకుడు బాపు దర్శకత్వంలో వచ్చిన వంశవృక్షం సినిమానే అనిల్ కపూర్ మొదటి సినిమా కావడం విశేషం. బాహుబలి సినిమా తర్వాత ప్రపంచమంతా తెలుగు చిత్రపరిశ్రమ (టాలీవుడ్) వైపు చూస్తోందని అనిల్ ప్రశంసించారు.
దర్శకుడు ఎస్ఎస్ రాజమౌళి తెరకెక్కించిన బాహుబలి సినిమా తర్వాత ప్రపంచమంతా తెలుగు చిత్రపరిశ్రమ (టాలీవుడ్) వైపు చూస్తోందని బాలీవుడ్ ప్రముఖ హీరో అనిల్ కపూర్ అభిప్రాయపడ్డారు. నగరానికి చెందిన డ్రీమ్‌ ఇండియా గ్రూపు ప్రారంభించనున్న సరికొత్త రియల్‌ ఎస్టేట్‌ ప్రాజెక్ట్‌ను ఆయన బంజారాహిల్స్‌ తాజ్‌కృష్ణ హోటల్లో ఆవిష్కరించారు. ఈ సందర్భంగా ఆయన మాట్లాడుతూ తెలుగు సినీపరిశ్రమకు మంచి సామర్థ్యం ఉందని, తనకు ఈ పరిశ్రమతో మంచి సంబంధాలు ఉన్నాయని చెప్పారు.
తన మొదటి సినిమా కూడా బాపు దర్శకత్వంలో వంశవృక్షం తెలుగులో వచ్చిందని గుర్తుచేశారు. హైదరాబాద్ నగర ప్రజలతో మంచి సంబంధాలు కూడా ఉన్నాయని తెలిపారు. డ్రీమ్‌ ఇండియా గ్రూప్‌నకు బ్రాండ్‌ అంబాసిడర్‌గా వ్యవహరిస్తున్నట్లు వివరించారు. ఈ ప్రాజెక్ట్‌ బహదుర్‌పురా సమీపంలో అత్యంత విలాసవంతమైన సౌకర్యాలతో 300 ఎకరాల్లో రానుందని సంస్థ సీఎండీ సయ్యద్‌ రఫీ ఇషాక్‌ తెలిపారు.
బాహుబలి టాలీవుడ్‌కి తెచ్చిన గుర్తింపు ఔన్నత్యాన్ని బాలీవుడ్ నటుడు స్వచ్ఛంగా ప్రశంసించడం చాలా బాగుంది.
