రచ్చ గెలిచి ఇంట గెలిచాను, లెజండరీ అవార్డును గుర్తు తెచ్చుకున్న మెగాస్టార్ (video)
అక్కినేని నాగేశ్వర రావు జాతీయ అవార్డును అందుకుంటున్న సందర్భంగా పద్మవిభూషణ్ మెగాస్టార్ చిరంజీవి తన ఆనందాన్ని వ్యక్తం చేసారు. ఈ సందర్భంగా ఆయన మాట్లాడుతూ... సినీ పరిశ్రమలో నేను రచ్చ గెలిచి ఇంట గెలిచాను అనిపిస్తుంది. ఇలా ఎందుకు అంటున్నాను అంటే... టాలీవుడ్ వజ్రోత్సవాల సమయంలో నాకు లెజండరీ పురస్కారం ప్రదానం చేయబోయారు. ఆ సమయంలో నాకు ఎంతో ఆనందమేసి ధన్యుడిని అనుకున్నా.
కానీ నేను ఆ అవార్డుని తీసుకోవడంపై కొందరు హర్షించలేని ప్రతికూల పరిస్థితులు ఏర్పడ్డాయి. దాంతో ఆనాడు ఆ అవార్డును టైమ్ క్యాప్సూల్ లో పెట్టాను. నాకు ఏరోజు అర్హత వస్తుందో అప్పుడే దాన్ని స్వీకరిస్తాను అని చెప్పాను. ఇన్నాళ్లకు నాకు అక్కినేని జాతీయ అవార్డు ద్వారా ఇంట గెలిచే అవకాశం వచ్చింది. ఈ అవార్డును జాతీయ నటుడు అమితాబ్ గారి చేతుల మీదుగా అందుకోవడం ఎంతో ఆనందంగా వుంది అని అన్నారు.
