సినిమారంగంపై పుకార్లు న‌మ్మ‌వ‌ద్దు- ఛాంబర్ ప్ర‌క‌ట‌న
తెలుగు చ‌ల‌న చిత్ర‌రంగంలో సినిమా టికెట్ల రేట్ల గురించికానీ, 24 శాఖ‌ల కార్మికుల సమస్యలపై తెలుగు ఫిల్మ్ ఛాంబర్ ఆఫ్ కామర్స్ తీసుకున్న నిర్ణ‌యాలు అంటూ ఏదైనా వార్తలు ఎక్క‌డ ప్ర‌చురిత‌మైనా అవి త‌మ‌కు సంబంధంలేనివ‌నీ, వాటిని నమ్మవద్దని తెలుగు ఫిల్మ్ ఛాంబర్ ఆఫ్ కామర్స్ స్పష్టం చేసింది. శ‌నివారంనాడు ప్ర‌క‌ట‌న ద్వారా తెలియ‌జేసింది.
26-07-2022న (మంగళవారం) చలనచిత్ర పరిశ్రమ సమస్యలపై చర్చించేందుకు తెలుగు ఫిల్మ్ ఛాంబర్ ఆఫ్ కామర్స్ నాలుగు విభాగాలతో సమావేశం కానుంది. 1) నిర్మాతల రంగం 2) పంపిణీదారుల రంగం 3) ఎగ్జిబిటర్ల రంగం 4) స్టూడియోల రంగం వారితో సమావేశం తెలుగు ఫిల్మ్ ప్రొడ్యూసర్స్ కౌన్సిల్ హాల్, ఫిల్మ్ నగర్, హైదరాబాద్ నందు నిర్వహించనున్నట్లు తెలియజే శారు. కాబట్టి ఈ సమావేశంలో తీసుకున్న నిర్ణయాలను ప్రెస్ ద్వారా తెలియజేసే వరకు నిర్మాతలు ఎటువంటి పుకార్లను నమ్మవద్దని తెలియజేయడం జరిగింది.
ఛాంబర్ మరియు తెలుగు ఫిల్మ్ ప్రొడ్యూసర్స్ కౌన్సిల్ తీసుకు నే నిర్ణయాన్ని నిర్మాతలకు తెలియజేస్తారు. కాబట్టి నిర్మాతలు తదుపరి నిర్ణయం వారికీ తెలియజేసే వరకు తమ సినిమా షూటింగ్ / సినిమా కార్యకలాపాలను యధావిధిగా కొనసాగించవచ్చు నని తెలియజేయడం జరిగింది. అపి తెలిపింది.
