శుక్రవారం, 29 మార్చి 2024
  1. వినోదం
  2. తెలుగు సినిమా
  3. కథనాలు
Written By సెల్వి
Last Updated : సోమవారం, 12 ఏప్రియల్ 2021 (17:07 IST)

ప్రభాస్ వాకిట్లో లంబోర్గిని కారు.. హ్యాపీగా చుట్టేసిన ప్రసీధ, శ్యామలమ్మ !!

Prabhas
టాలీవుడ్ టాప్ హీరో ప్రభాస్ ఏ కొత్త కారు వచ్చినా వెంటనే కొనేస్తుంటాడు. పాన్ ఇండియాగా మారిన ప్రభాస్ ప్రస్తుతం ఓ సినిమాకు రూ.100 కోట్ల పారితోషికం అందుకుంటున్నాడు. ప్రస్తుతం నాలుగు సినిమాలతో బిజీగా ఉన్నాడు ప్రభాస్. రాధే శ్యామ్ జులైలో విడుదల కానుంది. సలార్ 2022 ఏప్రిల్ 14న విడుదల కానుంది. అది వచ్చిన నాలుగు నెలల్లోనే ఆది పురుష్ 2022 ఆగస్టులో విడుదల కానుంది. ఇక నాగ్ అశ్విన్ సినిమా 2024 సమ్మర్ రిలీజ్‌కు ప్లాన్ చేస్తున్నారు. 
 
ప్రస్తుతం తాను చేస్తున్న సినిమాలన్నీ పాన్ ఇండియన్ కావడంతో ముంబైలోనే ఇల్లు తీసుకోవాలని చూస్తున్నాడు ప్రభాస్‌. అందుకే అక్కడే 50 కోట్లకు పైగా ఖర్చు చేసి ఓ భారీ విల్లా కొనుగోలు చేసేందుకు పావులు కదుపుతున్నాడు. మరోవైపు ఇప్పుడు కొత్త కారు కూడా తీసుకున్నాడు ప్రభాస్. లంబోర్గిని అవెంటాడర్‌ ఎస్‌ రోడ్‌స్టర్‌ కారును ప్రభాస్‌ కొనుగోలు చేసాడు. 
 
రెండు వారాల కిందే ఈ కారు ప్రభాస్ వాకిట్లోకి వచ్చింది. జూనియర్ ఎన్టీఆర్ కూడా ఇదే కంపెనీ కారును ఈ మధ్యే కొన్నాడు. ఇప్పుడు ప్రభాస్ అంతకంటే మోడ్రన్ కారు తీసుకున్నాడు. ఈ నేపథ్యంలో ఫోటోలు కూడా వైరల్ అవుతున్నాయి. 
 
ఈ కారు ధర దాదాపు 7 కోట్లకు పైగానే ఉంటుందని అంచనా. ఇప్పుడు ఈ కారులో ప్రభాస్ చెల్లి ప్రసీధ సిటీ చుట్టేసింది. ఆయన ఆంటీ శ్యామల కూడా ఈ కారులో ఊరంతా షికారు చేశారు. ప్రస్తుతం ఈ ఫోటోలతో పాటు వీడియో కూడా సోషల్ మీడియాలో వైరల్ అవుతుంది.