దడపుట్టిస్తున్న రష్మి గౌతమ్ "శివరంజని" ట్రైలర్
బుల్లితెర యాంకర్ రష్మి గౌతమ్ ప్రధాన పాత్రలో తెరకెక్కిన చిత్రం శివరంజని. నాగ ప్రభాకర్ దర్శకత్వం వహించిన ఈ చిత్రం ట్రైలర్‌ను తాజాగా విడుదల చేశారు. ఈ ట్రైలర్ చూస్తుంటే గుండెల్లో దడ పుడుతోంది. "ఈ ఇంట్లో ఓ హత్య జరిగింది. కానీ, చంపింది నేను కాదు నువ్వు" ఓ పోలీసు అధికారి నటుడు నందుతో చెబుతున్న డైలాగ్‌తో ఈ ట్రైలర్ ప్రారంభమైంది.
"నువ్వు నాకు కావాలి, నాతోనే ఉండాలి" అన్న రష్మి డైలాగ్‌తో పాటు "అది నీడ కాదు ఆత్మ" అంటూ మరో ఆర్టిస్ట్ చెప్పే డైలాగ్ ఈ ట్రైలర్లో ఉన్నాయి. ఈ ట్రైలర్లో కమెడియన్ ధన్‌రాజ్ కూడా కనబడతాడు. ఈ చిత్రం త్వరలోనే ప్రేక్షకుల ముందుకురానుంది.
