భూమికను చూడ‌గానే భ‌లేవుందిరా అనిపించిందిః సుమంత్ అశ్విన్
న‌టి భూమికను చూడ‌గానే ఎంతో బాగా న‌చ్చింద‌నీ, భ‌లే ఉందిరా అనిపించింద‌ని న‌టుడు సుమంత్ అశ్విన్ తెలియ‌జేశాడు. అలాంటి భూమిక‌తో కలిసి న‌టించే ఛాన్స్ రావ‌డం ఊహించ‌లేద‌ని తెలియ‌జేస్తున్నాడు. తాజాగా ఆయన న‌టిస్తున్న సినిమా `ఇదేమాక‌థ` సినిమాలో ఆమె న‌టించింది. ఈ సంద‌ర్భంగా ఆమెతో త‌న‌కు గ‌ల అనుభ‌వాల‌ను తెలియ‌జేస్త‌న్నాడు.
భూమిక‌గారు `యువ‌కుడు` అనే సినిమాలో న‌టించారు. తొలి సినిమా ఆమెకు. నేను ఆ సినిమాను ఫిలింఛాంబ‌ర్ ప్రివ్యూథియేట‌ర్లో చూశాను. ఆమెను చూడ‌గానే `అబ్బ భ‌లే వుంద‌నుకున్నా. అప్పుడు ఫ‌స్ట్ క్ర‌ష్ కాక‌పోయినా బాగుంద‌నిపించింది.`నువ్వు నాకు న‌చ్చావ్‌`లోనూ ఆర్తి అగ‌ర్వాల్‌ను కూడా చ‌ూస్తే అలానే అనిపించేది. మా బేన‌ర్‌లో `ఒక్క‌డు` సినిమాలో భూమిక న‌టించింది.
అలాంటి భూమిక‌తో కలిసి నేను న‌టిస్తాన‌ని అస్స‌లు అనుకోలేదు. ఆవిడ సెట్‌కు వ‌స్తే షాట్ అయ్యాక బ్రేక్ టైంలో బుక్స్ చ‌దువుతుండేది. ఈ సినిమాలో ఆమెను అక్క అక్క అని పిలుస్తుంటాను. ఈ సినిమా బైక్ రేస్ నేప‌థ్యంలో సాగుతుంది. ఓ సంద‌ర్భంలో భూమిక‌గారు నా బైక్ ఎక్కుతారు. ఆమె ఎక్క‌గానే ఒక్కసారిగా గూస్ బ‌మ్స్ వ‌చ్చాయి. అంటూ సుమంత్ వివ‌రించారు.
