తల్లి ఆవును కొట్టిన వ్యక్తిని దూడ పరిగెత్తుకుంటూ వచ్చి ఏం చేసిందంటే?

Cow calf

మూగ జీవాలు పిల్లల్నీ కాపాడుకోవాలని తల్లి ఏ విధంగా పోరాడుతుందో, పిల్లలు కూడా తల్లి కోసం అలాగే చేస్తాయనేందుకు ఈ ఘటనే నిదర్శనం. తల్లిని కొట్టిన ఓ వ్యక్తిని ఆవుదూడ ఎగరి ఓ తన్ను తన్నింది. ఈ ఘటనకు సంబంధించిన వీడియో ప్రస్తుతం నెట్టింట వైరల్ అవుతోంది. ఐఎఫ్ఎస్ ఆఫీసర్ సుశాంతా నంద దీన్ని పోస్టు చేశారు. ఇది చూసిన నెటిజన్లు కర్మ అనుభవించక తప్పదు అంటూ కామెంట్లు చేస్తున్నారు.

ఈ వీడియోలో ఓ డైరీ ఫాంలో ఆవుల గుంపు దగ్గరకు ఓ వ్యక్తి వెళ్లాడు. అక్కడ ఆవులను పక్కకు వెళ్లాలంటూ కర్ర తీసుకొని కొట్టాడు. హేయ్‌ హేయ్ అంటూ బెదిరించాడు. అంతలోనే ఆ పక్క నుంచి ఆవు దూడ పెరిగెత్తుకు వచ్చింది.

అంతేకాకుండా కోపంతో పైకి ఎగిరి వెనక కాళ్లతో బలంగా తన్నింది. అతడు వెనక్కి పేడలో పడిపోయాడు. దీంతో అతని తెల్ల చొక్కా కాస్తా పేడమయం అయింది. ఆ తర్వాత మెల్లగా అక్కడి నుంచి లేచి పక్కకు వెళ్లిపోయాడు. ఎక్కడ జరిగిందో తెలియదు కానీ, ఇది చాలా మందికి నవ్వు తెప్పిస్తోంది. ఈ వీడియో ప్రస్తుతం సోషల్ మీడియాలో వైరల్ అవుతోంది. 

What goes around,
Does come around