వెజిటబుల్ ఇడ్లీ ఎలా చేయాలో తెలుసా?

వెజిటబుల్ ఇడ్లీ కావలసిన పదార్థాలు: ఇడ్లీ పిండి - 4 కప్పులు జీడిపప్పు - కొద్దిగా వంటసోడా - కొద్దిగా నూనె - తగినంత క్యారెట్ - 1 క్యాబేజీ తురుము - పావుకప్పు బీన్స్ తురుము - పావుకప్పు కాప్సికమ్ - 1 పచ్చిబఠాణీలు - పావుకప్

కావలసిన పదార్థాలు:

ఇడ్లీ పిండి - 4 కప్పులు

జీడిపప్పు - కొద్దిగా

వంటసోడా - కొద్దిగా

నూనె - తగినంత

క్యారెట్ - 1

క్యాబేజీ తురుము - పావుకప్పు

బీన్స్ తురుము - పావుకప్పు

కాప్సికమ్ - 1

పచ్చిబఠాణీలు - పావుకప్పు

కొబ్బరిపొడి - 1 స్పూన్

ఉల్లిపాయ - 1

ధనియాల పొడి - 1 స్పూన్

కరివేపాకు - కొద్దిగా 

ఆవాలు, జీలకర్ర - 1/2 స్పూన్

ఉప్పు - తగినంత

పచ్చిమిర్చి పేస్ట్ - 1 స్పూన్

తయారీ విధానం: 

ముందుగా బాణలిలో నూనెను వేసి వేడయ్యాక అందులో జీడిపప్పు వేయించుకుని పక్కన పెట్టుకోవాలి. అదే నూనెలో ఆవాలు, జీలకర్ర, కూరగాయల ముక్కలు వేసుకుని కాసేపటి వరకు వేయించుకోవాలి. ఆ తరువాత ఆ మిశ్రమంలో ఉప్పు, పచ్చిమిర్చి పేస్ట్ వంటసోడా, ధనియాల పొడి, కొబ్బరిపొడి వేసుకుని బాగా కలుపుకోవాలి. ఇప్పుడు ఈ మిశ్రమాన్ని ఇడ్లీపిండిలో కలుపుకుని ఇడ్లీ పాన్‌లో ఇడ్లీల్లా వేసుకుని వాటిపై జీడిపప్పు చల్లుకుని ఆవిరి మీద ఉడికించుకోవాలి. అంతే... వెజిటబుల్ ఇడ్లీ రెడీ.