పెదాలు నల్లగా ఉన్నాయా.. అయితే ఇలా చేయండి..?

కొంతమంది చూడడానికి చాలా అందంగా కనిపిస్తారు. కానీ, వారి పెదాల కారణంగా ఆ అందాన్ని కోల్పోతున్నారు. పెదాల నల్లగా మారగడం, పొడిబారడం వంటి సమస్యలతో సతమతమవుతున్నారు. ఈ సమస్య నుండి బయటపడాలని ఏవేవో క్రీములు, మందులు వాడుతుంటారు. వీటి వాడడం సమస్యను రెట్టింపు చేస్తుంది. దాంతో ఏం చేయాలో తెలియక ఆందోళనతో చింతిస్తుంటారు.. అందుకు.. ఇంట్లోని సహజసిద్ధమైన పదార్థాలు ఉపయోగిస్తే పెదాలు అందంగా, చూడడానికి ముచ్చటగా కనిపిస్తాయి.. మరి ఆ పదార్థాలేంటో చూద్దాం..

బీట్‌రూట్‌ను చిన్న చిన్న ముక్కలుగా కట్ చేసుకుని జ్యూస్‌లా తయారుచేసుకోవాలి. తరువాత ఆ మిశ్రమాన్ని వడగట్టితే వచ్చే రసంలో స్పూన్ తేనె కొద్దిగా చక్కెర వేసి పేస్ట్‌లా చేసి పెదాలకు పూతలా వేసుకోవాలి. ఇలా వారం రోజుల పాటు క్రమంగా చేస్తే నల్లగా ఉన్న పెదాలు ఎరుపుగా తయారవుతాయి. ఇలా చేయడం వలన ఎలాంటి సైడ్ ఎఫెక్ట్స్ రావు.

ఓ గిన్నెలో 2 స్పూన్ల కొబ్బరినూనె వేసి తరువాత స్పూన్ చక్కెర, చిటికెడు పసుపు కలిపి పెదాలకు ప్యాక్ వేసుకోవాలి. గంటపాటు అలానే ఉంచి ఆ తరువాత గోరువెచ్చని నీటితో కడుక్కోవాలి. ఇలా చేస్తే.. పెదాలు మృదువుగా, అందంగా మారుతాయి. ఈ మిశ్రమాన్ని ఫ్రిజ్‌లో నిల్వచేసుకుంటే.. కొన్ని రోజుల పాటు ఉపయోగించుకోవచ్చు. 

కొబ్బరి నూనెలో కొద్దిగా పెరుగు, గులాబీ నీరు కలిపి పేస్ట్ చేసి పెదాలకు అప్లై చేయాలి. రెండు గంటల తరువాత చల్లని నీటితో శుభ్రం చేసుకోవాలి. ఇలా తరచుగా చేస్తే పెదాలు అందంగా, ఆకర్షణీయంగా మారుతాయి. ఈ లిప్‌స్క్రబ్‌ను ఓ బాటిల్లో పోసి ఫ్రిజ్‌లో భద్రపరచి వారం రోజుల వరకు ఉపయోగించవచ్చు.