Dharma Sangrah
✕

బర్గర్లలో టమోటాలుండవ్.. "బర్గర్ కింగ్'' ప్రకటన

Written By సెల్వి
Updated: గురువారం, 17 ఆగస్టు 2023 (20:54 IST)
దేశవ్యాప్తంగా టమాటా ధరలు రోజురోజుకు భారీగా పెరుగుతున్నాయి. కిలో రూ.10 నుంచి రూ.20 వరకు విక్రయిస్తుండగా క్రమంగా పెరుగుతూ రూ.100కు చేరింది. ఈ ధరల పెరుగుదల కారణంగా చాలా ఇళ్లలో టమాట వినియోగం తగ్గింది. టమోటా ధరలు పెరగడంతో భారతీయ, విదేశీ ఆహార సంస్థలు తమ ఆహార ఉత్పత్తుల ధరలను పెంచవలసి వచ్చింది. 
 
తాజాగా "బర్గర్ కింగ్", భారతదేశం అంతటా అనేక శాఖలు కలిగిన అంతర్జాతీయ రెస్టారెంట్, టమోటాల పంపిణీలో అవరోధాలు, నాణ్యమైన టమోటాల లభ్యత, ధరల పెరుగుదలపై కొనసాగుతున్న సమస్య కారణంగా సదరు సంస్థ నోటీసు జారీ చేసింది. టమాటాకు కూడా సెలవులు కావాలి’ అని సరదాగా పేర్కొంటూ కంపెనీ ఓ ప్రకటన విడుదల చేసింది. 
 
దీనిలో కంపెనీ ఇలా చెప్పింది:- మా వినియోగదారులకు సాటిలేని నాణ్యత, రుచికరమైన ఆహారాన్ని అందించడానికి తాము ఎల్లప్పుడూ కట్టుబడి ఉన్నాము. అయితే ఇప్పుడు టమాటా సరఫరా, మనం ఆశించే టమాట నాణ్యత ప్రశ్నార్థకంగా మారింది. 
 
దీని కారణంగా మేము మా ఆహార ఉత్పత్తుల నుండి టమోటాలను తాత్కాలికంగా తొలగించాము. కానీ వారు త్వరలో మళ్లీ వాటిని జోడిస్తామని హామీ ఇస్తున్నాం. కస్టమర్‌లు పరిస్థితిని అర్థం చేసుకుని మాకు సహకరించాల్సిందిగా అభ్యర్థిస్తున్నాం.. అంటూ బర్గర్ కింగ్ ప్రకటించింది. 
 
అలాగే గత జూలైలో, భారతదేశంలో పనిచేస్తున్న అమెరికన్ బహుళజాతి ఆహార సంస్థ మెక్‌డొనాల్డ్స్ (మెక్‌డొనాల్డ్స్) వారి మెనూ నుండి టమోటాలను తొలగించింది. అలాగే సబ్‌వే కూడా తమ సలాడ్‌లు, శాండ్‌విచ్‌లతో సహా అనేక ఉత్పత్తుల నుండి టమోటాలను తొలగిస్తున్నట్లు ప్రకటించింది.

అన్నీ చూడండి

Allu Arjun: రెండు లక్షల మందితో పాట్నాలో పుష్ప 2’ కార్యక్రమానికి రెండేళ్లు

Rashmika: మైసా నుంచి విలువైన బంధాన్ని సెలబ్రేట్ చేసే మెలోడీ ఏనాటి వరమో నువ్వు రిలీజ్

Schola : డ్రగ్ మాఫియా నేపథ్యంతో స్కాలర్ సినిమా ఫస్ట్ లుక్

Suman: కాంతారావుగారి మాట ప్రకారం ఆ తప్పు చేయలేదు - హీరో సుమన్

Madura Audio: నీకై పరుగిడి పార్థు, వెంకటలక్ష్మిల ప్రణయగీతం

తర్వాతి కథనం
Show comments