చైనీస్ వంటకం ఛీజ్ మైదా టార్టిల్లాస్ తయారీ ఎలా?

కావలసిన పదార్థాలు :

ఛీజ్... పావు కేజీ

ఉల్లిపాయలు... మూడు

టొమోటోలు... మూడు

క్యాప్సికం... రెండు

మైదా... 350 గ్రాములు

ఉప్పు... తగినంత

కొత్తిమీర... రెండు కట్టలు

తయారీ విధానం :

ముందుగా మైదాపిండిలో కాస్తంత ఉప్పువేసి నీటితో చపాతీ పిండిలాగా కలుపుకోవాలి. ఉల్లిపాయలు, టొమోటోలు, క్యాప్సికంలను చిన్న చిన్న ముక్కలుగా కోసుకోవాలి. కొత్తిమీరను కూడా తురిమి ఉంచాలి. ఫ్రెష్ ఛీజ్ అయినట్లయితే.. తొందరగా కరుగుతుంది, లేనట్లయితే దాన్ని సన్నగా తురిమి రెండు భాగాలుగా చేసి ఒక బాగాన్ని చిన్న చిన్న ప్లాస్టిక్ కప్పులలో నింపాలి.

రెండో భాగాన్ని సీజనింగ్ కోసం పక్కన ఉంచుకోవాలి. ఇప్పుడు మైదాను నాలుగు భాగాలుగా చేసి మందంగా రొట్టెల్లాగా వత్తుకోవాలి. వాటిపైన ఉల్లిపాయ, టమోటో, క్యాప్సికం ముక్కలతో పాటు ఛీజ్ కూడా వేసి సన్నటి మంటపైన కాల్చాలి. అదే ఓవెన్లో అయితే, మూడు నిమిషాల పాటు తక్కువ ఉష్ణోగ్రత వద్ద బేక్ చేస్తే సరిపోతుంది.

తరువాత... కప్పులో నింపిన ఛీజ్‌లో కొత్తిమీరను చల్లి, ఇందాక ఉడికించుకున్న మందపాటి రొట్టెలతో సర్వ్ చేయాలి. అన్నట్టు ఛీజ్‌లో డిప్ చేసుకుని వీటిని తింటుంటే భలే రుచిగా ఉంటాయి సుమండీ... ఇంకేముంది వేడి వేడిగా వెరైటీగా ఉండే ఈ ఛీజ్ మైదా టార్టిల్లాస్‌ను ఓ పట్టు పట్టండి మరి..!