ఒమిక్రాన్ సోకకుండా ఉండాలంటే ఇలా చేయండి...

ప్రపంచాన్ని ఒమిక్రాన్ వైరస్ వణికిస్తోంది. భారత్‌లో ఈ వైరస్ క్రమంగా వేగంగా వ్యాప్తిస్తుంది. ఇప్పటికే దేశవ్యాప్తంగా 150కి పైగా ఒమిక్రాన్ పాజిటివ్ కేసులు నమోదవుతున్నాయి. పైగా వైరస్ వ్యాప్తి కూడా చాపకింద నీరులా సాగుతోంది. కానీ, ఈ వైరస్ వల్ల పెద్ద ముప్పు లేకపోయినప్పటికీ... జాగ్రత్తగా ఉండాలని వైద్య నిపుణులు పదేపదే హెచ్చరికలు చేస్తున్నారు.

ఈ నేపథ్యంలో ఈ వైరస్‌బారినపడుకుండా ఉండాలంటే డబుల్ మాస్క్ తప్పనిసరిగా ధరించాలని ప్రపంచ ఆరోగ్య సంస్థ సూచన చేసింది. ఒమిక్రాన్ వైరస్ డెల్టా వైరస్ కంటే ఆరు రెట్లు వేగంగా వ్యాప్తి చెందుతుందని వైద్య నిపుణులు హెచ్చరిస్తున్నారు. ఇలాంటి పరిస్థితుల్లో ఎన్95 మాస్కులు విధిగా ధరించాలని వారు కోరుకున్నారు. 

కొన్ని సమయాల్లో ఎన్95 మాస్కులు ధరించడం వీలుకాకపోతే అందుబాటులో లేకపోయినా సర్జికల్ మాస్క్, సింగిల్ లేయర్ మాస్క్‌లు రెండు ధరించడం ఉత్తమమని వైద్యులు సూచనలు చేస్తున్నారు. 

రోగనిరోధకశక్తిలేని వ్యక్తులు సాధారణ సర్జికల్ మాస్కులు ధరిస్తే 1000 మంది వ్యక్తుల్లో పది మందికి ఈ ఇన్ఫెక్షన్ వచ్చే ప్రమాదం ఉందన్నారు. అదే ఎన్95 మాస్కులను ధరించినపుడు ఇన్ఫెక్షన్ రిస్క్ ప్రతి వెయ్యిమందిలో ఒకరికి మాత్రమే వచ్చిందని వైద్యులు వెల్లడించారు.