హెల్దీ స్నాక్ రాజ్మా కట్ లెట్ ఎలా చేయాలి?

రాజ్మా మాంసాహారం కన్నా ఎక్కువ శక్తిని శరీరానికి అందిస్తుంది. అందువల్ల శాకాహారులకు ఇది మంచి ఎనర్జిటిక్‌ ఫుడ్‌‌గా చెప్పవచ్చు. ఇందులో ఫైబర్‌ అధిక మోతాదులో ఉండడం వలన కొలెస్ట్రాల్‌‌ని తగ్గిస్తుంది. మైగ్రేన్‌, కీళ్ల నొప్పులనుండి ఉపశమనాన్ని కలిగిస్తుంది. మతి మరుపు ని తగ్గించి జ్ఞాపకశక్తిని పెంచుతుంది.

ఇందులో క్యాల్షియం, ఐరన్‌, మెగ్నీషియం, పొటాషియం, మాంగనీస్‌ వంటి ఖనిజ లవణాలతో పాటు కాపర్‌, ఒమేగా ఫ్యాటి ఆసిడ్స్‌ లభిస్తాయి. అలాంటి రాజ్మాతో పిల్లలకు నచ్చేలా కట్‌లెట్ ఎలా చేయాలో చూద్దాం.. 

కావల్సిన పదార్థాలు : 

ఉడికించిన రాజ్మా - కప్పు 

ఉడికించి బంగాళదుంపలు - ఒక కప్పు 

పచ్చిమిర్చి తరుగు - పావు స్పూన్,

కొత్తిమీర తురుము - పావు కప్పు, 

కారం - అర టేబుల్‌ స్పూను, 

ఉప్పు, నూనె - తగినంత ధనియాలపొడి - అర టేబుల్‌ స్పూను,

జీలకర్ర పొడి - పావు టేబుల్‌ స్పూను, 

గరంమసాలా పొడి - అర టేబుల్‌ స్పూను, 

శనగపిండి - టేబుల్‌ స్పూను

తయారీ విధానం: ఒక వెడల్పాటి పాన్ తీసుకుని అందులో ఉడికించిన రాజ్మా, బంగాళాదుంపల్ని స్మాష్ చేసుకోవాలి. ఇందులో కారం, ధనియాలపొడి, జీలకర్రపొడి, గరంమసాలా, పచ్చిమిర్చి తరుగు, ఉప్పు, ఆమ్‌చూర్‌ పొడి, కొత్తిమీర తురుము, తగినంత ఉప్పు వేసుకొని బాగా కలుపుకోవాలి. 

ఈ మిశ్రమాన్ని ఐదునిమిషాల పాటు పక్కనబెట్టేయాలి. ఆపై స్టౌవ్ మీద పాన్ పెట్టుకుని నూనె వేసి బంగాళదుంప, రాజ్మా మిశ్రమాన్ని కట్‌లెట్‌లా చేసుకొని రెండు వైపులా దోరగా వేయించుకుని సర్వింగ్ ప్లేటులోకి తీసుకోవాలి. ఈ కట్‌లెట్లను టమోటా కెచప్‌‌తో సర్వ్ చేస్తే టేస్ట్ అదిరిపోతుంది. స్కూల్ నుంచి ఇంటికొచ్చే పిల్లలకు ఈ స్నాక్స్ బాగా నచ్చుతుంది. ఇంకా ఆరోగ్యకరం కూడా.