మానసిక బలాన్నిచ్చే.. మామిడి రసం

వేసవిలో విరివిగా లభించే మామిడి పండ్లలో పోషకాలెన్నో వున్నాయి. వేసవి సీజన్‌లో వచ్చే ఈ మామిడి పండ్లలో విటమిన్లు, ఖనిజాలు, యాంటీ-యాక్సిడెంట్లు పుష్కలంగా వుంటాయి. ఇవి అనేక వ్యాధుల నుంచి రక్షణ కల్పిస్తుంది.

వేసవిలో విరివిగా లభించే మామిడి పండ్లలో పోషకాలెన్నో వున్నాయి. వేసవి సీజన్‌లో వచ్చే ఈ మామిడి పండ్లలో విటమిన్లు, ఖనిజాలు, యాంటీ-యాక్సిడెంట్లు పుష్కలంగా వుంటాయి. ఇవి అనేక వ్యాధుల నుంచి రక్షణ కల్పిస్తుంది. మామిడి కాయలు, పండ్లలోని పాలిఫినాల్స్ లక్షణాలు క్యాన్సర్ కారకాలను దూరం చేస్తాయి. 

మామిడిలో ఐరన్‌ పుష్కలంగా దొరుకుతుంది. మామిడి రక్తహీనతను నివారించేందుకు తోడ్పడుతుంది. ఎసిడిటీ, అజీర్తిలతో బాధపడేవారికి మామిడి దివ్యౌషధంగా పనిచేస్తుంది. డయేరియా, ఎండదెబ్బ, కాలేయవ్యాధులు, ఆస్తమా, నెలసరి సమస్యలకు మామిడి మంచి టానిక్‌గా ఉపకరిస్తుంది. మానసిక ఆందోళనలను కూడా ఇది దూరం చేస్తుంది. 

మామిడి రసంతో మానసిక ఆహ్లాదం చేకూరుతుందని.. మానసిక బలహీనులకు మామిడి రసం ఉత్తేజాన్నిస్తుంది. మామిడిలోని ట్రిప్టోఫాన్‌ ఏకాగ్రతను, జ్ఞాపకశక్తిని పెంపొందించేందుకు తోడ్పడుతుంది. అయితే మామిడి పండ్లను మితంగా తీసుకుంటే ఫర్వాలేదు కానీ.. లెక్కకు మించి తీసుకుంటే ఆరోగ్యానికి హానికరమేనని ఆరోగ్య నిపుణులు హెచ్చరిస్తున్నారు. మామిడి పండ్లలో క్యాలరీలు అధికంగా ఉంటాయి. మామిడి పండ్లు ఎక్కువగా తింటే..  రోజూ ఓ అరగంట వ్యాయామం చేస్తే బరువు పెరిగే అవకాశం ఉండదు.

మామిడి పండ్లలో అధిక క్యాలరీలు వుండటంతో అధికంగా వీటిని తీసుకుంటే బరువు పెరిగే అవకాశం వుంది. రోజూ వ్యాయామం చేసేవారు మామిడిని రెండు మూడు తీసుకోవచ్చు. వ్యాయామానికి దూరంగా వుండే వారు మాత్రం రోజుకు ఒక పండుకు మించకుండా తీసుకోవాల్సి వుంటుందని ఆరోగ్య నిపుణులు సూచిస్తున్నారు.