బరువు తగ్గాలా? పొన్నగంటి కూర తినండి.. ఉల్లికాడలతో గుండెజబ్బులు?

ఆకుకూరలతో కంటిచూపు మెరుగవుతుంది. మధుమేహం దూరమవుతుంది అంటున్నారు ఆరోగ్య నిపుణులు. రోజూ కప్పు మోతాదులో ఆకుకూరలను తీసుకోవడం ద్వారా శరీర పెరుగుదలకు, దృఢత్వానికి ఇవి ఎంతో మేలు చేస్తాయి. పాలకూర, గోంగూర, తోట

ఆకుకూరలతో కంటిచూపు మెరుగవుతుంది. మధుమేహం దూరమవుతుంది అంటున్నారు ఆరోగ్య నిపుణులు. రోజూ కప్పు మోతాదులో ఆకుకూరలను తీసుకోవడం ద్వారా శరీర పెరుగుదలకు, దృఢత్వానికి ఇవి ఎంతో మేలు చేస్తాయి. పాలకూర, గోంగూర, తోటకూర, మెంతికూర, బచ్చలికూర, పుదీనా, మునగాకు వంటివి ఆహారంలో చేర్చుకుంటూ వుండాలి. వీటిలో ఐరన్, విటమిన్ ఎ, సి పుష్కలంగా వుంటుంది. ఇంకా ఆకుకూరల్లోని కెరోటిన్ విటమిన్ సిగా మారి.. కంటి చూపు తగ్గడాన్ని నిరోధిస్తుంది. ఎముకలకు, దంతాలకు మేలు చేస్తుంది. మధుమేహాన్ని దూరం చేస్తుంది. 

గోంగూరను వారంలో రెండుసార్లు తీసుకోవడం ద్వారా కంటిచూపు మెరుగవుతుంది. దగ్గు, ఆయాసంతో బాధపడేవారికి, రేచీకటిని ఇది తొలగిస్తుంది. బరువును తగ్గించుకోవాలంటే పొన్నగంటికూర తీసుకోవడం మంచిది. పొన్నగంటి కూరలో కొలెస్ట్రాల్ తక్కువ. అధిక రక్తపోటును తగ్గిస్తుంది. గుండె సమస్యల్ని అదుపులో ఉంచుతుంది. క్యాన్సర్ కారకాలతో పోరాడుతుంది. ఆకుకూరలతో పాటు ఉల్లికాడలను వారానాకి ఓ రోజు ఆహారంలో చేర్చుకుంటే.. గుండె జబ్బులు రాకుండా చేస్తాయి. రక్తపోటు, ఆస్టియోపోరోసిస్ వంటి ఎముక సంబంధిత వ్యాధుల నుంచి కాపాడుతాయి.