కార్తీక మాసంలో వనభోజనం చేస్తే ఫలితం ఏమిటి?(వీడియో)

కార్తీక మాసంలో శుక్ల పక్షంలో వనభోజనం చేసినవాడు పాపవిముక్తుడై వైకుంఠవాసుడవుతాడు. వనభోజనం కూడా ఓ పద్ధతి ప్రకారం చేయాలి. పలు జాతుల చెట్లతో వున్న తోటలో ఉసిరిచెట్టు క్రింద సాలగ్రామం వుంచి హరిచందన ఫలపుష్పాదులతో పూజ చేసి యథాశక్తిగా బ్రాహ్మణ పూజ చేసి వారితో

కార్తీక మాసంలో శుక్ల పక్షంలో వనభోజనం చేసినవాడు పాపవిముక్తుడై వైకుంఠవాసుడవుతాడు. వనభోజనం కూడా ఓ పద్ధతి ప్రకారం చేయాలి. పలు జాతుల చెట్లతో వున్న తోటలో ఉసిరిచెట్టు క్రింద సాలగ్రామం వుంచి హరిచందన ఫలపుష్పాదులతో పూజ చేసి యథాశక్తిగా బ్రాహ్మణ పూజ చేసి వారితో సహా ఆ తోటలో భుజించాలి. అలా చేసినట్లయితే పూజ సమయంలోగాని, జపహోమ కాలాలలో కానీ, భోజన సమయంలోగానీ చండాలాదుల సంభాషణ విన్నందువల్ల వచ్చిన దోషం పోతుంది. వైకుంఠ నివాసం కలుగుతుంది.

ఇంకా కార్తీక వ్రతం చేసేవారికి సర్వపాపాలు తొలగుతాయి. కార్తీక మాసంలో విష్ణు సన్నిధిని భగవద్గీత పఠించిన వారి పాపాలు పటాపంచలవుతాయి. కార్తీక మాసంలో మహావిష్ణువును తులసీ దళాలతో, తెలుపు నలుపు గన్నేరు పూలతో అలంకరించిన వారికి పాపాలు పోయి వైకుంఠవాసం కలుగుతుంది. 

ఈ మాసంలో శ్రీవారి సన్నిధానమున భగవద్గీతలోని విభూతియోగ, విశ్వరూప దర్శన యోగాలను, భక్తియోగమును భక్తిశ్రద్ధలతో పారాయణ చేసేవారు విష్ణు సాయుజ్యం పొందుతారు. అలాగే విష్ణువు ముందు కార్తీక పురాణములోని ఒక శ్లోకం కానీ, ఒక శ్లోకం పాదం కానీ భక్తితో చదివిన వారికి సర్వపాప విముక్తి కలుగుతుంది. కపిలతీర్థంలో కార్తీక మాసం పూజ వీడియో చూడండి...