ఆరేళ్ల బాలికపై 100 సార్లు అత్యాచారం... లైవ్ స్ట్రీమ్ ద్వారా షేరింగ్...
29 ఏళ్ల కామాంధుడు ఆరేళ్ల బాలికపై 100 సార్లు అత్యాచారం చేశాడు. ఈ దారుణానికి పాల్పడటమే కాకుండా రేప్ చేసిన ప్రతిసారీ లైవ్ స్ట్రీమ్ చేశాడు. ఈ రాక్షసుడికి కోర్టు 120 ఏళ్ల జైలు శిక్ష విధించింది.
వివరాల్లోకి వెళితే... బ్లూమ్‌ఫీల్డుకి చెందిన 29 ఏళ్ల స్టీవెన్ డగ్లస్ క్రూక్ ఆరేళ్ల బాలికకు మాయమాటలు చెప్పి కిడ్నాప్ చేశాడు. ఆ తర్వాత ఆమెపై అత్యాచారం చేయడం మొదలుపెట్టాడు.
ఈ దారుణానికి ఒడిగట్టడమే కాకుండా ఆ పని చేసేటప్పుడు లైవ్ స్ట్రీమ్ చేసేవాడు. ఈ వీడియో స్ట్రీమ్ ఎక్కడి నుంచి వస్తుందో కనిపెట్టేలోపు కట్ చేసేవాడు. ఐతే పోలీసులు వలపన్ని అతడిని గత ఏడాది ఫిబ్రవరిలో అరెస్ట్ చేశారు. కేసు విచారించిన కోర్టు ఇతడికి 120 ఏళ్ల శిక్ష విధించింది.
