శనివారం, 24 ఫిబ్రవరి 2024
  1. వార్తలు
  2. తెలుగు వార్తలు
  3. అంతర్జాతీయ వార్తలు
Written By వరుణ్
Last Updated : ఆదివారం, 26 ఫిబ్రవరి 2023 (17:38 IST)

అమెరికా సరిహద్దుల్లో విషాదం.. కూలిన ఎయిర్ అంబులెన్స్

air abulance
అమెరికా సరిహద్దుల్లో విషాదకర ఘటన ఒకటి చోటుచేసుకుంది. నెవాడా సరిహద్దుల్లో ఎయిర్ అంబులెన్స్ కుప్పకూలిపోయింది. ఈ ప్రమాద సమయంలో అంబులెన్స్‌లో ఉన్న ఐదుగురు చనిపోయారని అధికారులు చెబుతున్నారు. వీరిలో రోగి కూడా ఉన్నారు.
 
గత కొన్ని రోజులుగా అగ్రరాజ్యం అమెరికాలోని అనేక ప్రాంతాల్లో విపరీతమైన మంచు తుఫాను కురుస్తుంది. ఈ కారణంగా అనేక విమాన సర్వీసులను రద్దు చేశారు. ప్రజా రవాణాకు తీవ్ర ఆటంకాలు కూడా కలుగుతున్నాయి. ఈ క్రమంలో నెవాడాలో ఓ రోగిని తరలిస్తున్న ఎయిర్ అంబులెన్స్ ఒకటి కుప్పకూలిపోయింది. విమానం ప్రయాణించేందుకు ఏమాత్రం అనుకూలమైన వాతావరణం లేకపోవడంతో ప్రమాదం జరిగింది. 
 
నెవాడా సరిహద్దుల్లో వచ్చే సరికి విమానం రాడార్‌‍తో సంబంధాలు కోల్పోయింది. సెంట్రల్ లియోన్ కౌంటీలో ఈ ఘటన జరిగినట్టు సమాచారం. ప్రమాద సమయంలో ఎయిరి అంబులెన్స్‌ విమానంలో పైలెట్, రోగి, రోగి సహాయకుడు, నర్సు, పారామెడికల్ నిపుణుడు ఉన్నారు. వీరందరూ ప్రాణాలు కోల్పోయినట్టు సెంట్రల్ లియోన్ కౌంటీ అధికారులు వెల్లడించారు.