నాకేంటి భయం? ఏదీ దాచుకోను.. బయోపిక్‌పై సానియా
భారత టెన్నిస్ స్టార్ సానియా మీర్జా తన బయోపిక్‌పై స్పందించింది. తన బయోపిక్‌ను చూపించడం ఉత్తేజాన్ని కలిగిస్తోందని.. తన జీవిత కథను అభిమానుల ముందు తీసుకురావడం ఎలాంటి భయన్ని కలిగించట్లేదని సానియా చెప్పుకొచ్చింది.
ఇంకా సానియా మీర్జా మాట్లాడుతూ.. తన బయోపిక్‌ తీసే విషయంలో దర్శకులతో చర్చలు జరుగుతున్నాయని తెలిపింది. తనది ఎలాంటి వ్యక్తిత్వమో , తన కెరీర్‌ను మొదటి నుంచి చూసిన ఎవరికైనా అర్థమౌతుందని తెలిపింది. తానొకటి, తన మనసొకటి మాట్లాడదని.. అలా ఏదీ దాచుకోనని వెల్లడించింది. తనకు ఏది అనిపిస్తే అదే చేస్తానని.. ఏ విషయాన్నైనా బయటికి చెప్పేస్తానని పేర్కొంది.
కాబట్టి తన జీవిత చరిత్రను సినిమాగా రాబోతుండటం ఉత్సాహం కలిగిస్తోంది అని అన్నారు. అలాగే ప్రతి ఒక్కరూ విజేతలను ప్రేమిస్తారు. కానీ ఎన్నో అడ్డంకులను అధిగమించి ఆ స్థానానికి చేరుకువాల్సి ఉంటుందని చెప్పింది. తనలాగానే ఎందరో క్రీడాకారులు ఎంతో కృషి చేసి పైకొచ్చారని గుర్తు చేసింది.
