మెగా ఫ్యామిలీకి షాక్ - నిహారిక దంపతుల వైవాహిక బంధానికి బీటలు?

మెగా ఫ్యామిలీకి మరో షాక్ తగిలనుందనే వార్తలు వినిపిస్తున్నాయి. మెగా డాటర్లలో ఒకరైన నిహారిక - ఆమె భర్త చైతన్య దంపతులు విడిపోతున్నారనే ప్రచారం జోరుగా సాగుతోంది. వీరి వివాహం గత 2020 సంవత్సరం, డిసెంబరు 9వ తేదీన రాజస్థాన్ రాష్ట్రంలోని ఒబెరాయ్ ఉదయ్ విలాస్‌లో అంగరంగ వైభవంగా జరిగింది. ఈ వేడుకలో మెగా, అల్లు కుటుంబాలకు చెందిన వారు పాల్గొన్నారు. చిత్రపరిశ్రమ నుంచి అతి కొద్ది మంది ప్రముఖులను మాత్రమే ఆహ్వానించారు. 

అయితే, ప్రస్తుతం మెగా డాటర్ నిహారిక తన భర్త జొన్నలగడ్డ చైతన్య వ్యవహారశైలిపై ఆందోళనగా ఉన్నట్టు సమాచారం. దీంతో ఇన్‌స్టాగ్రామ్‌లో వారిద్దరూ ఒకరినొకరు అన్ ఫాలో చేసుకున్నారు. దీంతో వారిద్దరూ విడిపోతున్నారనే ప్రచారం జోరుగా సాగుతోంది. మెగా ఫ్యామిలీలోని ప్రతి ఒక్క కుటుంబ సభ్యుడిని ఫాలో అవుతున్న చైతన్య.. తన భార్య నిహారికను మాత్రం అన్ ఫాలో చేయడంతో ఈ వైవాహిక బంధానికి బీటలు వారాయన్న ప్రచారం సాగుతోంది. గతంలో కూడా ఇదే తరహా వార్తలు వచ్చినప్పటికీ అవి సద్దుమణిగిపోయాయి. ఇపుడు ఇలాంటి వార్తలే రావడంతో నిహారిక తండ్రి, నటుడు నాగబాబు మీడియా ముందుకు వచ్చి వివరణ ఇవ్వాలని మెగా అభిమానులు కోరుతున్నారు.