సర్కారు వారి పాట చిత్రానికి అస‌ని దెబ్బ‌!

Maheshbabu

మ‌హేష్‌బాబు న‌టించిన సర్కారు వారి పాట విడుద‌ల‌కు అన్ని అడ్డంకులే క‌నిపించాయి. అంత‌కుముందు క‌రోనా వ‌ల్ల వాయిదా ప‌డుతూ పుష్ప‌, ఆర్‌.ఆర్‌.ఆర్‌. వ‌ల్ల పోస్ట్ పోన్ చేసుకోవాల్సి వ‌చ్చింది. అన్నీ అధిగ‌మించి ఇప్పుడు మే 12న విడుద‌ల కాబోతుంది. అయితే ఈ విడుద‌ల‌కుముందు నుంచే ఆంధ్ర‌, ఒరిస్సా త‌దిత‌ర ప్రాంతాల్లో అస‌ని తుఫాన్ రావ‌డంతో ఆ ప్ర‌భావం సర్కారు వారి పాట సినిమాపై తీవ్ర ప్ర‌భావం చూపబోతున్న‌ట్లు సినీ విశ్లేష‌కులు తెలియ‌జేస్తున్నారు.

గ‌త కొద్దిరోజులుగా తెలంగాణ‌లోనూ  గాలివాన‌తోకూడిన అకావ‌ల వ‌ర్షాలు రావ‌డంతో రైతులు చాలా ఇబ్బందులు ప‌డ్డారు. ఇక ప‌ట్ట‌ణాల‌లో లోత‌ట్టు ప్రాంతాలు నీట మునిగాయి. ఇప్పుడు ఆంధ్ర‌లోని నెల్లూరు, వైజాగ్‌, విజ‌య‌వాడ త‌దిత‌ర‌ప్రాంతాల‌తోపాటు గ్రామీణ ప్రాంతాల‌ల‌లో ఈ అస‌ని తుఫాను ఎఫెక్ట్ తీవ్రంగా వుంది. మ‌రోవైపు రిలీజ్ తేదీ వాయిదా వేస్తార‌ని గుస‌గుస‌లు వినిపిస్తున్నాయి. అదే నిజ‌మైతే ఇత‌ర సినిమాల‌పై ఎఫెక్ట్ వుంటుంది. త‌ర్వాత ఎఫ్‌3 రాబోతుంది. ఒక‌వేళ పోస్ట్ పోన్ అయితే థియేట‌ర్ల స‌మ‌స్య‌కూడా త‌లెత్తుంది. రేపే విడుద‌ల‌కాబోతున్న  సర్కారు వారి పాట తుఫాన్ వ‌ల్ల ఓపెనింగ్ బాగా త‌గ్గేసూచ‌న‌లు తీవ్రంగా క‌నిపిస్తున్నాయి.